Dharashiv News: तुळजापूर येथील श्री तुळजाभवानी देवीच्या शाकंभरी नवरात्र महोत्सवास रविवारी (ता. २८) घटस्थापनेने भक्तिमय वातावरणात प्रारंभ झाला. दुपारी बारा वाजता मुख्य यजमान उल्हास अनंतराव कागदे यांच्या हस्ते मंदिरातील गणेश विहारात सपत्नीक विधीवत घटस्थापना करण्यात आली आणि सात दिवस चालणाऱ्या या शाकंभरी नवरात्र महोत्सवास सुरुवात झाली. धाकटा दसरा अशीही या महोत्सवाची ओळख आहे..या वेळी तहसीलदार तथा व्यवस्थापक (प्रशासन) माया माने, महंत तुकोजी बुवा, महंत चिलोजी बुवा, महंत वाकोजी बुवा, उपाध्ये सुनीत (बंडू) पाठक, पुजारी मंडळाचे अध्यक्ष विपिन शिंदे, अमराराजे कदम, अनंत कोंडो, लेखाधिकारी संतोष भेंकी, सहायक धार्मिक व्यवस्थापक अनुप ढमाले, रामेश्वर वाले यांच्यासह मंदिर संस्थानचे अधिकारी, कर्मचारी, पुजारी बांधव व भाविक मोठ्या संख्येने उपस्थित होते..Navratri Fasting Rules : नवरात्रीत नऊ दिवस उपवास केला आहे? उपवास कधी सोडायचा माहिती आहे का?.मंत्रोच्चार, विधी आणि भक्तीभावाने संपूर्ण परिसर मंगलमय झाला होता. श्री तुळजाभवानी देवीचे दरवर्षी दोन प्रमुख उत्सव साजरे केले जातात. त्यामध्ये आश्विन महिन्यातील शारदीय नवरात्र उत्सव व पौष महिन्यातील शाकंभरी नवरात्र उत्सवाचा समावेश आहे. शाकंभरी नवरात्र उत्सवाला धाकटा दसरा, असेही म्हटले जाते..Tuljapur Development : तुळजापूर तीर्थक्षेत्र विकास आराखडा कार्यक्रम तयार करा.महोत्सवापूर्वी मागील आठ दिवसांपासून सुरू असलेली श्री तुळजाभवानी देवीची मंचकी निद्रा संपवून आज पहाटे पौष शुक्ल अष्टमीच्या शुभमुहूर्तावर देवींची सिंहासनावर विधीवत प्रतिष्ठापना करण्यात आली. सात दिवस चालणाऱ्या शाकंभरी नवरात्र महोत्सवाची सांगता तीन जानेवारी रोजी शाकंभरी पौर्णिमेला दुपारी बारा वाजतापूर्णाहुती व त्यानंतर घटोत्थापनाने होणार आहे. .या काळात तुळजाभवानी देवीचीसोमवारी (ता. २९) रथ अलंकार महापूजा मांडण्यात आली. मंगळवारी (ता. ३०) मुरली अलंकार महापूजा, बुधवारी (ता. ३१) शेषशाही अलंकार महापूजा मांडण्यात येणार आहे. बुधवारी सकाळी ७ वाजता जलयात्रा, एक जानेवारी रोजी भवानी तलवार अलंकार महापूजा तर दोन जानेवारी रोजी महिषासुरमर्दिनी अलंकार महापूजा संपन्न होणार आहे. शाकंभरी नवरात्र काळात दररोज रात्री श्री तुळजाभवानी देवीची छबीना (मिरवणूक) निघणार असल्याची माहिती मंदिर प्रशासनाने दिली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
