Yavatmal News: उमरखेड कृषी उत्पन्न बाजार समितीअंतर्गत येणाऱ्या ढाणकी उपबाजार समितीतील १० दुकान गाळ्यांच्या लिलाव प्रक्रियेत मंगळवारी (ता. १३) गोंधळ उडाला. एका गाळ्यासाठी आठ लाख ५० हजार रुपये इतकी अवास्तव मूळ किंमत निश्चित करून त्याच किमतीवर बोली सुरू करण्याच्या अटीमुळे व्यापारी व शेतकऱ्यांनी लिलावाकडे पाठ फिरवली..या लिलावासाठी २४ इच्छुक व्यापारी व शेतकऱ्यांनी प्रत्येकी १० हजार रुपये अनामत रक्कम भरली होती. मात्र लिलाव सुरू होताच बाजार समितीने साडेआठ लाख रुपयांपासूनच बोली सुरू होईल, असे जाहीर केले. .Manmad APMC: मनमाड बाजार समितीमध्ये आता ऑनलाइन कामकाज .यावर उपस्थित व्यापाऱ्यांनी तीव्र नाराजी व्यक्त केली. त्यांच्या मते, स्थानिक बाजारपेठेतील प्रत्यक्ष मूल्यांकनानुसार या गाळ्यांची किंमत जेमतेम तीन लाख रुपयांच्या आसपास असावी. बाजार समितीने व्यावसायिक परिस्थिती व व्यापाऱ्यांच्या क्षमतेचा विचार न करता दर निश्चित केल्याचा आरोप करत लिलावधारकांनी लिलावातून माघार घेतली. अनेकांनी आपली अनामत रक्कम परत घेण्यास सुरुवात केली. दराव्यतिरिक्त गाळ्यांच्या जागा, दळणवळण आणि व्यापारी वापराच्या सोयींबाबतही आक्षेप नोंदविण्यात आले..Lasalgaon APMC: शेतीमाल विक्रीपश्चात तत्काळ ऑनलाइन पेमेंट.बाजार समितीचे सचिव संदीप जाधव, उपसभापती श्रीपाल आडे, बांधकाम समिती प्रमुख भीमराव चंद्रवंशी, संचालक गजानन गाडेकर यांच्यासह अन्य संचालक व कर्मचारी उपस्थित होते. बाजार समितीच्या वतीने खुलासा करताना सभापती कृष्णा पाटील देवसरकर म्हणाले,.‘‘आठ लाख ५० हजार रुपयांपेक्षा अधिक बोली लावणाऱ्या कोणत्याही पात्र धारकाला दुकान गाळा देण्यास बाजार समिती तयार आहे. अनामतधारकांना याबाबत विचारासाठी तीन दिवसांची मुदत दिली आहे.’’ अवास्तव दरनिश्चितीमुळे लिलाव अपयशी ठरल्याने, बाजार समितीच्या नियोजनावर प्रश्नचिन्ह उपस्थित झाले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
