Pandharpur News: वसंत पंचमीच्या शुभमुहूर्तावर शुक्रवारी (ता.२३) पंढरपूरच्या श्री विठ्ठल-रुक्मिणी मंदिरात देवाचा शाही विवाह सोहळा अत्यंत भक्तिमय आणि उत्साही वातावरणात पार पडला. ‘पुंडलिक वरदे हरी विठ्ठल’च्या जयघोषात आणि मंगलाष्टकांच्या सुरात विठुराया आणि रुक्मिणी माता यांचा विवाह सोहळा पार पडला..पहाटेपासूनच मंदिरात धार्मिक विधींना सुरुवात झाली. परंपरेनुसार दुपारी १२ च्या शुभ मुहूर्तावर विठ्ठल आणि रुक्मिणी मातेचा विवाह विधी पार पडला. या विशेष प्रसंगी मंदिरात ‘रुक्मिणी स्वयंवर’ कथेचे वाचन आणि कीर्तन आयोजित करण्यात आले होते. त्यामुळे वातावरण अधिकच भक्तिभावाने भारून गेले..Kartiki Ekadashi : कार्तिकी यात्रेचा उद्या मुख्य सोहळा.मंदिर समितीचे अध्यक्ष ह.भ.प. गहिनीनाथ महाराज औसेकर, पंढरपूरच्या नगराध्यक्षा सौ. डॅा. प्रणिता भालके, मंदिर समितीचे कार्यकारी अधिकारी राजेंद्र शेळके यांच्यासह अन्य सदस्य आणि भाविक मोठ्या संख्येने उपस्थित होते. हा सोहळा ‘याची देही याची डोळा’ पाहण्यासाठी महाराष्ट्राच्या कानाकोपऱ्यातून वारकरी आणि भाविक पंढरीत दाखल झाले होते..Pandharpur Chaitri Wari: पंढरपुरात आज चैत्री वारी सोहळा.मंदिर समितीच्या वतीने भाविकांसाठी विशेष सोई करण्यात आल्या होत्या, या सोहळ्यानिमित्त संपूर्ण मंदिर परिसराला वधू-वराच्या घराप्रमाणे सजवण्यात आले होते. विविध देशी-विदेशी रंगीबेरंगी फुलांची मनमोहक सजावट आणि डोळे दिपवणारी विद्युत रोषणाई करण्यात आली होती. देवाच्या मूर्तींना मयूरासनात बसवण्यात आले होते..दरवर्षी आषाढी-कार्तिकीला येणारा वारकरी या शाही विवाह सोहळ्याचा आनंद घेण्यासाठी देखील मोठ्या संख्येने उपस्थित होता. ‘‘देवाचं लग्न म्हणजे आमच्या घरचं कार्य,’’ अशी भावना या वेळी उपस्थित भाविकांनी व्यक्त केली..सोहळ्याचे थेट प्रक्षेपणया विवाह सोहळ्यामुळे मंदिर आणि परिसरात मोठी गर्दी झाली. पण मंदिर समितीने मंदिराबाहेर असणाऱ्या भाविकांना सोहळा पाहता यावा यासाठी स्क्रीनद्वारे थेट प्रक्षेपणाची सोय केली होती. तसेच विवाह सोहळ्यानंतर भाविकांसाठी विशेष भोजनाचे आयोजनही करण्यात आले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
