Mumbai News: राज्यातील कृषी विद्यापीठांमधील अध्यापकीय संवर्गाकरिता निवृत्तीचे वय ६० वर्षे कायम करण्याचा निर्णय राज्य सरकारने घेतला आहे. साहाय्यक प्राध्यापक, सहयोगी प्राध्यापक, प्राध्यापक, विभाग प्रमुख, सहयोगी अधिष्ठाता, शारीरिक शिक्षण निदेशक, क्रीडा अधिकारी, ग्रंथपाल, .अधिष्ठाता आणि संचालक दर्जातील अध्यापक यांच्या सेवानिवृत्तीची वयोमर्यादा ६२ वरून ६० करण्यात आली होती. ती ६५ करावी, असा प्रस्ताव मंत्रिमंडळ बैठकीसमोर मांडण्यात आला होता. मात्र, निवृत्तीचे वय ६० हेच कायम करण्यास मंत्रिमंडळाने मान्यता दिली..Government Scheme: कुटूंबातील कमावत्या व्यक्तीच्या निधनानंतर सरकारकडून मिळणार २० हजारांची मदत; पाहूयात काय आहे योजना.याबाबतचा शासन आदेश जारी करण्यात आला असून ज्या प्राध्यापकांनी साठ वर्षे पूर्ण केल्यानंतर सेवा बजावली, त्यांना नियमाप्रमाणे वेतन आणि अनुषंगिक भत्ते देण्याचाही निर्णय घेण्यात आला आहे. फेब्रुवारी २०२४ मध्ये अध्यापकीय संवर्गाचे सेवानिवृत्तीचे वय ६२ वरून ६० करण्याचा निर्णय घेण्यात आला होता. याविरोधात मुंबई उच्च न्यायालयात रिट याचिका दाखल करण्यात आल्या होत्या..सेवानिवृत्तीनंतरच्या कामाचे वेतन मिळणार ज्या प्राध्यापकांनी वयाची साठ वर्षे पूर्ण केल्यानंतर कर्तव्य बजावले आहे, अशा प्राध्यापकांना काम केलेल्या कालावधीचे वेतन संबंधित विद्यापीठांनी द्यावे, असे आदेश मात्र सरकारकडून देण्यात आले आहेत. प्रत्यक्ष कामकाज केलेल्या कालावधीच्या देय वेतनातून सेवानिवृत्तीचे वेतन दिले असल्यास ते वजा करून रक्कम देण्यात येणार आहे. .Agriculture Department: संचालकपदे रिक्त असूनही पात्र अधिकाऱ्यांची पदोन्नती रोखली.संबंधित कर्मचारी साठ वर्षे नियत वयोमानानुसार निवृत्त झाले आहेत, असे समजून त्यांना वाढीव कालावधीत काम केल्याचे वेतन देण्यात येणार आहे. संबंधित कर्मचाऱ्यांच्या खात्यात रजा शिल्लक असल्यास त्या कर्मचाऱ्यास रजेचा लाभही देण्यात यावा, असेही आदेशात म्हटले आहे. त्यावर २६ नोव्हेंबर २०२५ आणि १७ डिसेंबर २०२५ रोजी अंतरिम आदेश देण्यात आले होते. अध्यापकांचे सेवानिवृत्तीचे वय ६२ वरून ६५ करण्याबाबत मंत्रिमंडळापुढे प्रस्ताव ठेवावा. .तसेच ज्या याचिकाकर्त्या शिक्षकांनी वयाची साठ वर्षे पूर्ण केल्यानंतरही न्यायालयाच्या आदेशानुसार प्रत्यक्ष कर्तव्य बजावले आहे, अशा याचिकाकर्त्यांना त्यांनी प्रत्यक्ष काम केलेल्या कालावधीचे वेतन संबंधित विद्यापीठांना अदा करण्याचे निर्देश या आदेशांन्वये दिले होते. परंतु, वयोमर्यादा वाढविण्यास राज्य सरकारने नकार दिला असून सेवानिवृत्तीची मर्यादा साठ वर्षेच राहील, असे स्पष्ट केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
