Washim News: वाशीम जिल्ह्यात गेल्या काही दिवसांपासून निर्माण झालेल्या खतांच्या, विशेषतः युरियाच्या तुटवड्याची दखल अखेर शासन पातळीवर घेण्यात आली आहे. वाशीमचे आमदार अमित झनक यांनी ही गंभीर बाब थेट कृषिमंत्री दत्तात्रय भरणे यांच्या निदर्शनास आणून देत तातडीने उपाययोजना राबविण्याची मागणी केली..हिवाळी अधिवेशनाच्या पार्श्वभूमीवर सोमवारी (ता. ८) कृषिमंत्री भरणे यांच्या अध्यक्षतेखाली कृषी विभागाची महत्त्वपूर्ण बैठक झाली. या वेळी राज्याचे राज्यमंत्री आशिष जयस्वाल तसेच वरिष्ठ अधिकारी उपस्थित होते. .Urea Shortage : राज्यात युरियाचा साठा ५ वर्षांतील निच्चांकी पातळीवर, कृषिमंत्री दत्तात्रय भरणे यांचे केंद्राला पत्र.बैठकीत आमदार झनक यांनी वाशीम जिल्ह्यातील शेतीविषयक विविध समस्यांचा ऊहापोह केला. अतिवृष्टीमुळे पिकांचे झालेले प्रचंड नुकसान, रब्बी हंगामातील वाढती युरिया मागणी आणि बाजारात निर्माण झालेली कृत्रिम टंचाई यांकडे त्यांनी विशेष लक्ष वेधले..Urea Shortage: युरिया टंचाईमुळे शेतकऱ्यांचे हाल, केंद्र सरकारचा दावा फोल.मालेगावसह काही तालुक्यांत युरियाची कृत्रिम कमतरता निर्माण करून शेतकऱ्यांना जास्तीचे पैसे देण्यास भाग पाडले जात असल्याच्या तक्रारी मोठ्या प्रमाणावर येत असून, तरीही जिल्हा कृषी यंत्रणा प्रभावी कारवाई करण्यात अपयशी ठरत असल्याचे झनक यांनी स्पष्ट केले..रब्बी हंगामात हरभरा, गहू यांसारख्या पिकांसाठी युरिया अत्यावश्यक असताना शेतकऱ्यांना वेळेवर व रास्त भावात उपलब्ध करून देण्यासाठी तातडीने निर्णय घेण्याची विनंती त्यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
