Beed News: सुरवातीला सहा हजार पाचशे ते सात हजार रुपये प्रतिक्विंटलने विकल्या जाणाऱ्या तुरीला मागणी वाढल्याने सध्या आठ हजार पाचशे ते सहाशे रुपये प्रतिक्विंटल दर येथील मोंढ्यात तुरीला मिळत असल्याने शेतकऱ्यांना दिलासा मिळत असून, मोंढ्यात प्रतिदिन आठशे ते एक हजार क्विंटल तुरीची आवक येत आहे..तुरीची मर्यादित आवक, वाढलेली मागणी आणि उत्पादनातील घट यामुळे येथील बाजार समितीच्या नवीन मोंढा आवारात तुरीच्या दरात मोठी तेजी पहायला मिळत आहे. तुरीला शासनाचा हमीभाव आठ हजार रुपये आहे. त्यापेक्षा वाढीव दर मिळत असल्याने तुरीची आवक वाढली आहे. .Tur Price: तुरीचे दर कमीच; तसेच काय आहेत सोयाबीन, कापूस, पपई आणि दोडक्याचे आजचे बाजारभाव .गुणवत्तेनुसार सात हजार ५०० ते आठ हजार ५०० रुपयांपर्यंत दर मिळत आहे. मागील काही दिवसांमध्ये तुरीत आलेल्या तेजीने दरवाढ झाल्याचे व्यापारीवर्गातून बोलले जात आहे. त्यामुळे डाळ मिलमालक आणि व्यापाऱ्यांनीही खरेदीचा जोर वाढविला आहे. अतिवृष्टी आणि ढगाळ वातावरणामुळे यंदा उत्पादनात मोठी घट झाली आहे. त्यामुळे कापूस व सोयाबीनच्या नुकसानीची कसर तूर भरून काढेल, अशा अपेक्षा तूर उत्पादक शेतकऱ्यांना आहेत..Tur Price: तुरीचे दर दबावात; तसेच काय आहेत आजचे ज्वारी, आले, कांदा, आणि टोमॅटोचे बाजारभाव.आकडे बोलतात...मोंढ्यात येत असलेली तुरीची आवक ५८६ क्विंटलमिळत असलेला दर प्रतिक्विंटलकमाल............... ८ हजार ४५५किमान ...............७ हजार ४००सरासरी ...............८ हजार २००.येथील मोंढ्यात हमीभावापेक्षा ५०० ते ६०० रुपयांपर्यंत प्रतिक्विंटलला वाढीव दर मिळत आहे. त्यामुळे शासकीय हमीभाव खरेदी केंद्रे सुरू नाहीत. शेतकऱ्यांनी तूर विक्रीबाबत काही अडचण असल्यास बाजार समिती कार्यालयाशी संपर्क साधावा.- श्रीहरी मोरे, उपसभापती, कृषी उत्पन्न बाजार समिती, माजलगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
