Chandrapur News: चिमूर- वरोरा राष्ट्रीय महामार्गालगत असलेल्या उमा नदीवर पूल बांधून देण्याची आश्वासन देण्यात आले होते. मात्र त्याची पूर्तता न झाल्याने नदीच्या दुसऱ्या काठावर शेती असलेल्या शेतकऱ्यांना थर्माकोलच्या आधाराने तयार केलेल्या तराफ्याच्या मदतीने रोज जीवघेणा प्रवास करावा लागत आहे. .शहरात शुद्ध पेयजलाकरिता उमा नदीवर पूल वजा बंधारा बांधून जलशुद्धीकरण केंद्र तयार करण्यात आले. बंधाऱ्यामुळे नदीपात्रात पाण्याचा संचय वाढला. यामुळे माणुसमारी, चिचाळा रिठ या जंगल क्षेत्रालगतच्या परिसरातील ग्रामस्थांना शेती कामाकरिता दहा किलोमीटर अंतर पार करण्याची वेळ आली आहे. बंधाऱ्यातील पाणी कमी झाल्यानंतर उथळ पात्र असल्याने हे शेतकरी नदीतूनच शेतात जायचे. मात्र वाळू तस्करांकडून वाळूचा उपसा करण्यात आल्याने नदी पात्रात खोल खड्डे झाले आहेत. यामुळे जीव धोक्यात घेऊन नदीपात्र पार करणे जिकरीचे झाले आहे. सध्या शेतकरी, मजूर केसलापूर- तळोधी (नाईक) या मार्गाने दहा किलोमीटर अंतर पार करून जातात. मात्र या मार्गावरील परिसरात वन्यप्राण्यांचा वावर आहे..Farmer Issue: सीमा वादामुळे मिळेना योजनांचा लाभ .त्यामुळे जिवाची भीती वाढली आहे. ही समस्या शेतकऱ्यांनी आमदार भांगडिया यांना सांगितली. नदीचे पाणी कमी झाल्यानंतर रपटा बांधून देण्याचे आश्वासन त्यांच्याकडून देण्यात आले. त्याची पूर्तता.Farmers Issue: पूल नसल्यामुळे गावात येईना वाहन; शेतीमालाची करता येईना विक्री.मात्र झाली नाही, मात्र यामुळे शेतीतील कामे प्रभावी होण्याची शक्यता पाहता युवा शेतकरी प्रवीण चौखे याने सहकाऱ्याच्या मदतीने नाव तयार केली आहे. ही नाव थर्माकोल, टीनपत्र्याच्या मदतीने तयार करण्यात आली आहे. याच नावेतून शेतकऱ्यांचा प्रवास सुरू आहे. मात्र या नावेचा अपघात झाल्यास त्याला जबाबदार कोण असा प्रश्न उपस्थित केला जात आहे..बंधाऱ्यामुळे नदीपात्रात पाणी वाढले आहे. तरीही आम्ही पूर्ण शेती हंगामात याच नदीपात्रातून शेतात जात होतो. मात्र वाळू तस्करांनी उपसा करून खड्डे केल्याने चिंता वाढली. देशी जुगाड करून आम्ही नाव तयार केली आहे. यातूनच सध्या आम्ही शेतात जाणे-येणे करतो.- प्रवीण चौखे, शेतकरी, चिमूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
