Sangli News: अफगाणिस्तानचा बेदाणा आणून त्यावर प्रक्रिया करून भारतीय बेदाणा म्हणून बॉक्स भरून तो विक्री करणाऱ्या त्या व्यापाऱ्यांचे परवाने रद्द करून त्यांच्यावर कारवाई करण्याचा निर्णय संचालक मंडळाच्या सभेत घेण्यात आला असल्याचे तासगाव बाजार समिती सभापती युवराज पाटील यांनी जाहीर केले. .तासगाव कृषी उत्पन्न बाजार समितीच्या वतीने गुरुवारी (ता. १) अफगाणिस्तान बेदाणा प्रकरणी समन्वय बैठकीचे आयोजन करण्यात आले होते. बाजार समिती, द्राक्ष बागायतदार संघ, बेदाणा असोसिएशन व्यापारी आणि शेतकरी एकत्र बैठक झाली. या बैठकीसाठी बाजार समितीचे सभापती युवराज पाटील, द्राक्ष बागायतदार संघाचे अध्यक्ष दत्ताजी पाटील, बेदाणा असोसिएशनचे अशोक बाफना, स्वाभिमानी शेतकरी संघटनेचे महेश खराडे यांच्यासह बाजार समितीचे संचालक कुमार शेटे, महादेव पाटील, खंडू पवार, रेखा पाटील, प्रभारी सचिव चंद्रकांत कणसे तसेच संचालक, व्यापारी, शेतकरी मोठ्या संख्येने उपस्थित होते. या वेळी बेदाणा उत्पादक शेतकरी आक्रमक झाले होते..Pesticide License Suspended : केंद्रीय कृषिमंत्र्यांच्या आदेशानंतर एका कीटकनाशक कंपनीवर कारवाई; एचटी पिकांच्या वापरावर प्रश्नचिन्ह?.परदेशी बेदाणा भारतीय बेदाणा म्हणून खपवू नका, असे प्रकार करून बेदाण्याचे दर पाडले जात आहेत. त्यामुळे शेतकरी अडचणीत आले आहेत. शेतकऱ्यांना आणखी अडचणीत आणू नका. त्या व्यापाऱ्यांचे बाजार समितीकडून दिले जाणारे परवाने रद्द करावेत, अशी मागणी द्राक्ष बागायतदारांच्या वतीने दत्ताजी पाटील यांनी केली..Agricultural Input License: कृषी निविष्ठा परवान्यासाठी अर्ज करण्याचे आवाहन.अशोक बाफना म्हणाले, ‘‘आम्ही अशा प्रकारांना पाठीशी घालणार नाही. अफगाणिस्तानचा बेदाणा हा भारतीय बेदाणा म्हणून विकणे गैर आहे. याबाबत केंद्राने निर्णय घेण्यासाठी पुढाकार घ्यावा. आम्ही व्यापारी शेतकऱ्यांसमवेत आहोत..’’बैठकीला बोलवूनही उपस्थित न राहिलेल्या शीतगृह चालकांवर कारवाई करण्याची मागणी आर. डी. पाटील यांनी केली.व्यापाऱ्यांवर कारवाई न झाल्यास तीव्र आंदोलन करू, असा इशारा स्वाभिमानी शेतकरी संघटनेचे महेश खराडे यांनी दिला..सभापती श्री. पाटील म्हणाले, ‘‘अफगाणिस्तानचा बेदाणा भारतीय बॉक्समध्ये करून विकणाऱ्या त्या व्यापाऱ्यांवर बाजार समिती कठोर कारवाई करेल. ज्या व्यापाऱ्यांनी बेदाणा घेतला आहे, त्यांची माहिती समिती घेणार आहे. बाजार समिती शेतकऱ्यांबरोबर आणि प्रामाणिकपणे व्यवसाय करणाऱ्या व्यापाऱ्यांच्या पाठीशी उभी राहील.’’ बेदाणा असोसिएशनचे उपाध्यक्ष संजय बोथरा, सुदाम माळी, सतीश माळी, भूपाल पाटील, द्राक्ष बागायतदार संघाचे सुरेश करगणे, पृथ्वीराज शिंदे, जयसिंग चव्हाण, जितेंद्र पाटील, मोहन पाटील उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
