Nanded News: हळद उत्पादक शेतकऱ्यांना योग्य दर मिळावा, यासाठी स्वाभिमानी शेतकरी संघटनेचे अध्यक्ष व माजी खासदार राजू शेट्टी, तसेच ॲड. योगेश पांडे यांच्या मार्फत न्यायालयीन लढा उभा करणार आहोत. लवकरच यासंदर्भात ‘एनसीडीईएक्स’च्या (राष्ट्रीय कमोडिटी आणि डेरिव्हेटिव्ह एक्स्चेंज) अध्यक्षांची भेट घेणार आहोत, अशी माहिती स्वाभिमानी शेतकरी संघटनेचे जिल्हाध्यक्ष हनुमंत राजेगोरे यांनी दिली. .राजेगोरे म्हणाले, की महाराष्ट्रातील असंघटित हळद उत्पादक शेतकऱ्यांना आणि छोट्या व्यापाऱ्यांना वायदेबाजाराच्या नावाखाली ‘एनसीडीईएक्स’च्या अधिकाऱ्यांना हाताशी धरून लुटले जात आहे. शेतकऱ्यांच्या अज्ञानाचा फायदा घेत वायदे बाजाराच्या माध्यमातून कृत्रिम तेजी- मंदीचा खेळ खेळत शेतकऱ्यांना दरात लुटत आहेत. .Turmeric Research Center: हळद संशोधन केंद्र शेतकऱ्यांसाठी हितकारक: नयनी खरडे .त्यामुळे वर्षभर काबाडकष्ट करून पिकविलेले पिवळे सोने कवडीमोल भावाने विकण्याची वेळ हळद उत्पादक शेतकऱ्यांवर आली आहे. त्यामुळे शेट्टी यांच्या निर्देशानुसार, मुंबई उच्च न्यायालयाचे वकील योगेश पांडे यांच्या कायदेशीर मार्गदर्शनाखाली न्यायालयीन आणि रस्त्यावरची अशा दोन्ही लढ्यांसाठी तयारी सुरू झाली आहे. .Turmeric Rate: हिंगोलीला हळदीला १६,५००, तर वसमतला १७,३१० रुपये दर.शेट्टी यांनी हळदीच्या वायदे बाजारातील व्यवहारात पंचवीस हजार कोटी रुपयांचा घोळ झाला आहे. याची सीबीआय मार्फत चौकशी सुरू करावी, अशी मागणी मुख्यमंत्री देवेंद्र फडणवीस यांच्याकडे केली आहे, असेही राजेगोरे यांनी यावेळी सांगितले..महिनाभरात ४ ते ५ हजारांची वाढहळद व्यवहाराच्या सीबीआय चौकशीची मागणी करताच दर पाडणाऱ्या व्यापाऱ्यांचे धाबे दणाणले आहेत. त्यामुळे मागील ३० दिवसांत हळद दरात प्रति क्विंटल ४ ते ५ हजार रुपयांपर्यंत वाढ झाली, असा दावा राजेगोरे यांनी या वेळी केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
