Junnar News: विदर्भातील ‘पांढरं सोनं’ अशी ओळख असलेले कापूस पीक आता जुन्नर तालुक्यात रुजून वाढीसही लागले आहे. जुन्नरच्या पूर्व पट्ट्यातील आळेफाटा परिसरातील काही शेतकऱ्यांनी गेल्या पाच वर्षांपासून कापूस पीक लागवडीचा प्रयोग यशस्वी केला असून, सध्या कापूस काढणीची लगबग सुरू झाली आहे. .तालुक्याच्या पूर्व भागातील वातावरण हे कापसासाठी अनुकूल असल्याचे दिसून आले आहे. या पिकाला इतर पिकांपेक्षा कमी मशागत करावी लागते. आवश्यकतेनुसार तीन-चार वेळा फवारणी केली जाते. याउलट, येथील पारंपारिक तरकारी पिकांसाठी शेतकऱ्याला अधिक मेहनत करावी लागते..Cotton Harvest: कापूस वेचणीसाठी मजुरांची टंचाई.चालू वर्षी कापूस फुलोऱ्यात आलेला असताना पावसाने दडी मारल्यामुळे मोठ्या प्रमाणात फुलांची गळती झाली. त्यामुळे उत्पादनात घट झाली झाली आहे. तसेच, फवारणी, वेचणी, मजुरीचा खर्चदेखील मोठा आहे. असे असले तरी कापसाचे पीक शेतकऱ्यांचे शक्यतो नुकसान करणार नसल्याचा विश्वास शेतकऱ्यांना आहे..Maharashtra Cotton Procurement: कापूस खरेदीत महाराष्ट्र पिछाडीवर.बोरी, राजुरी, जाधववाडी या गावांतील काही शेतकरी गेल्या ५ ते ६ वर्षांपासून कापसाचे पीक आपल्या शेतात घेत आहेत. यातून त्यांना चांगला नफा मिळत असल्याने जुन्नर तालुक्याच्या पूर्व भागातील शेतकऱ्यांचा कापूस पीक घेण्याकडे कल वाढलेला दिसून येत आहे..सुरक्षित आणि नफा मिळवून देणारे पीक म्हणून शेतकरी कापसाकडे आकर्षित झाला आहे. खरिपात पेरणी झालेले पीक ४ महिन्यांत हातात येते. तसेच, या भागात कापूस पिकाला पोषक हवामान आहे आणि त्यावर कोणत्याही रोगाचा किंवा किडीचा जास्त प्रादुर्भाव होत नाही. त्यामुळे कीटकनाशकांचा खर्च कमी होतो. उसाला पर्याय म्हणून शेतकरी कापसाकडे पाहू लागला आहे. चालू वर्षी तालुक्यात ८४ हेक्टरवर कापसाची लागवड झाली आहे.’’गणेश भोसले (तालुका कृषी अधिकारी, जुन्नर).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
