Mumbai News: स्थानिक स्वराज्य संस्थांच्या निवडणुकीतील शेवटच्या टप्प्यातील जिल्हा परिषद आणि पंचायत समित्यांच्या निवडणुकांमध्ये भारतीय जनता पक्षाने सहा जिल्हा परिषदांमध्ये सर्वाधिक जागा जिंकल्या. पाठोपाठ शिवसेना शिंदे गट आणि राष्ट्रवादी काँग्रेसच्या जागा निवडून आल्या असल्या तरीही काँग्रेस आणि राष्ट्रवादी काँग्रेसच्या शरद पवार गटानेही बहुतेक ठिकाणी तुल्यबळ लढत देत ग्रामीण भागात आपली पकड असल्याचे दाखवून दिले. .शहरी भागातील स्थानिक स्वराज्य संस्थांच्या निवडणुकांमध्ये भाजपला यश मिळाले आहे. त्या तुलनेत जिल्हा परिषद निवडणुकांमध्ये म्हणजेच ग्रामीण भागांमध्ये मात्र राष्ट्रवादी काँग्रेसने आपली पकड असल्याचे पुन्हा एकदा सिद्ध केले..शिवसेनेच्या शिंदे गटाने कोकणातील रायगड आणि रत्नागिरी या दोन जिल्हा परिषदांमध्ये सर्वाधिक जागा जिंकल्या. तर कोल्हापूर, सांगली, सातारा जिल्ह्यांमध्ये राष्ट्रवादी काँग्रेसच्या अजित पवार गटासह शरद पवार गटाने आपली ताकद दाखवून दिली. कोल्हापुरात हसन मुश्रीफ यांच्या नेतृत्वाखाली लढलेल्या राष्ट्रवादी काँग्रेसने सर्वाधिक जागांवर आघाडी घेत आपला दबदबा कायम ठेवला..Khed Panchayat Samiti Election Results: पुण्याच्या खेडमध्ये ठाकरेंच्या शिवसेनेची मशाल धगधगली.येथे काँग्रेसचे विधान परिषदेतील गटनेते सतेज पाटील यांनी एकाकी लढत देत महानगरपालिकेप्रमाणे जिल्हा परिषदांमध्ये आपली ताकद दाखवून दिली. येथे भाजप, शिवसेना आणि वैद्यकीय शिक्षण मंत्री मुश्रीफ यांची सत्ता येण्याची शक्यता आहे. सोलापूर जिल्हा परिषदेमध्ये ग्रामविकास मंत्री जयकुमार गोरे आणि माजी आमदार राम सातपुते यांनी मोहिते पाटील घराण्याचे वर्चस्व मोडून काढत एकतर्फी विजय मिळविला. येथे खासदार धैर्यशील मोहिते पाटील आणि आमदार उत्तम जानकर यांना पराभवाची धूळ चारली..पुण्यात राष्ट्रवादीला साथपुणे आणि पिंपरी-चिंचवड महानगरपालिका निवडणुकीत राष्ट्रवादी काँग्रेसला पराभवाचा सामना करावा लागला होता. जिल्हा परिषद निवडणूक जाहीर झाल्यानंतर अजित पवार यांचा अपघाती मृत्यू झाला. त्यामुळे पक्षाचे भवितव्य पणाला लागले असताना सायंकाळी सहा वाजेपर्यंत पुणे जिल्हा परिषदेमध्ये सर्वाधिक ४३ जागांवर राष्ट्रवादी काँग्रेसने आघाडी घेतली होती. भाजपला येथे सपाटून पराभव पत्करावा लागला. केवळ आठ जागांवर भाजपला समाधान मानावे लागले. तर शिवसेनेच्या शिंदे गटाचीही वाताहात झाली..सांगलीत जयंत पाटील यांचा करिश्मासांगलीमध्ये भाजप आणि राष्ट्रवादी काँग्रेसचा शरदचंद्र पवार पक्ष यांच्यात जोरदार लढत झाल्याचे आकडेवारीवरून समोर आले. येथे सायंकाळी सहा वाजेपर्यंत राष्ट्रवादी काँग्रेस (शरद पवार गट) १९, काँग्रेस ११, भाजप १६, शिवसेना शिंदे गट ६, तर राष्ट्रवादी काँग्रेसचा अजित पवार गट ६ जागांवर आघाडी दिसून आली. येथे राष्ट्रवादी काँग्रेसच्या शरदचंद्र पवार पक्षाचे जयंत पाटील यांनी सर्वच पक्षांना एक हाती लढत दिली. येथे काँग्रेस आणि राष्ट्रवादी काँग्रेसच्या आघाडीतून सत्ता येण्याची चिन्हे आहेत..Zilla Parishad Election Results: १२ जिल्हा परिषदांमध्ये भाजपच सर्वात मोठा पक्ष- मुख्यमंत्री फडणवीस.परभणीत भाजपची मुसंडीपरभणी जिल्हा परिषदेमध्ये भाजपाने जोरदार मुसंडी मारली. येथे भाजपाला २४, राष्ट्रवादी काँग्रेसला १५, शिवसेनेच्या उद्धव ठाकरे गटाला ६ शिवसेना शिंदे गटाला पाच तर काँग्रेसला ३ जागा मिळाल्या..लातूरमध्ये काँग्रेसला कलमहानगरपालिका निवडणुकांमध्ये कोल्हापूर, चंद्रपूर आणि लातूरमध्ये काँग्रेसला सर्वाधिक जागा मिळाल्या. जिल्हा परिषद निवडणुकीमध्येही लातूरमध्ये मतदारांनी काँग्रेसला पसंती दिली असून सर्वाधिक २३ हून अधिक जागांवर काँग्रेसचे उमेदवार आघाडीवर होते. पाठोपाठ आणि राष्ट्रवादी काँग्रेसच्या उमेदवारांना आघाडी मिळाली..दिग्गजांना धक्कासातारा, सोलापूर, सांगली, परभणी, लातूरसह अनेक जिल्ह्यांत मंत्री, आमदार, खासदार तसेच माजी लोकप्रतिनिधींच्या कुटुंबीयांना मतदारांनी नाकारले. साताऱ्यात ग्रामविकास मंत्री जयकुमार गोरे यांचा भाऊ अरुण गोरे यांचा राष्ट्रवादी काँग्रेसचे अनिल देसाई यांनी पराभव केला. तर औंध गटात त्यांच्या भावजय भारती गोरे यांना राष्ट्रवादी काँग्रेसच्या मनीषा फडतरे यांच्याकडून पराभव स्वीकारावा लागला. परभणी जिल्ह्यात भाजप नेते आणि माजी मंत्री सुरेश वरपूडकर यांच्या कुटुंबातील पाच सदस्यांना जिल्हा परिषदेच्या रिंगणात उतरवल्याने वरपूडकर यांच्या नावाची राज्यभरात चर्चा झाली होती. .त्यामुळे या निवडणुकीकडे सर्वांचेच लक्ष लागले होते. मात्र, त्यापैकी चार उमेदवारांचा पराभव झाला. काँग्रेस पक्षाच्या तिकिटावर उभे राहिलेले त्यांचे पुतणे विजयी झाले. लातूरमध्ये माजी खासदार सुधाकर शृंगारे यांच्या कन्या सुप्रिया शृंगारे पायाळ यांचा राष्ट्रवादी काँग्रेसच्या उषा सोनकांबळे यांच्याकडून पराभव स्वीकारावा लागला. भाजपचे माजी आमदार त्र्यंबक भिसे यांच्या भावजय सरिता भिसे यांना काँग्रेसच्या आशाताई भिसे यांच्याकडून पराभव स्वीकारावा लागला. शिवसेनेतून भाजपवासी झालेले माजी आमदार दिनकर माने यांच्या कुटुंबातील सदिच्छा माने यांचा आशिव गटातून काँग्रेसच्या वनिता माने यांनी पराभव केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
