Dhule News: विविध मागण्यांसह साक्री तालुक्यातील आदिवासी शेतकरी शासकीय कर्जमाफी योजनेपासून वंचित आहेत. तसेच वनजमिनी व इतर बाबींबाबतही शासनाकडून दुजाभाव केला जात असल्याचा आरोप शेतकरी, विविध संघटना करीत आहेत. .आदिवासी व इतर शेतकऱ्यांना विविध बँकांनी कर्जाची रक्कम भरण्यासंदर्भात नोटिसा बजावल्या आहेत. शासनाने छत्रपती शिवाजी महाराज शेतकरी सन्मान योजना व महात्मा फुले शेतकरी कर्जमाफी योजनेअंतर्गत लाभ जाहीर केला होता. विविध सरकारांच्या कालावधीतल्या या योजना आहेत. हा लाभ आदिवासी शेतकऱ्यांना मिळणे आवश्यक आहे. बँकेने नोटिसा बजावलेल्या आदिवासी शेतकऱ्यांना त्यांनी कर्ज कधी घेतले व ते शासनाच्या दोन्ही योजनेत माफ का झाले नाही याबाबत तपशिल मिळावा, अशी मागणी आहे..Tribal Farmers : आदिवासी ब्रॅण्ड झाला ‘लोकल टू ग्लोबल’.वनजमिनींचा हक्क मिळावाअनुसूचित जमाती व इतर पारंपरिक वननिवासी, वनहक्क मान्यतांअंतर्गत दाखल केलेल्या दाव्यांबाबत अंमलबजावणीची मागणी आहे. जिल्ह्यात वनजमिनींवर उदरनिर्वाह करणाऱ्या आदिवासी कष्टकरी समाजाच्या दाखल दाव्यांवर कार्यवाही व्हावी. याबाबतचा कायदा येऊन अनेक वर्षे झाली. परंतु, उपविभागीय वनहक्क समिती व जिल्हास्तरीय वनहक्क समितीमार्फत योग्य अंमलबजावणी होत नाही..Melghat Tribal March: शेती प्रश्नांसाठी आदिवासींची आरपारची लढाई.अनेकदा उपविभागीय वनहक्क समिती व जिल्हास्तरीय वनहक्क समितीला शासनाने वेळोवेळी अनेक आदेश निर्गमित केले. त्यावर योग्य ती अंमलबजावणी व्हावी. जिल्ह्यात शासकीय देवस्थान व गायरान पडीक जमिनीवरील वहिवाटीची नोंद करण्यात यावी व त्यांची स्थळ पाहणी करून त्यांच्या नावे सात-बारा देण्यात यावा. दाखल दाव्यांनुसार नकाशा तयार करणे आवश्यक आहे..धुळे तालुक्यात वन खात्याने वनहक्क समितीला कोणतीही पूर्वसूचना न देता जीपीएस मोजणी केली. ते नकाशे वन खात्याने समितीला तत्काळ उपलब्ध करून द्यावेत, अशी मागणी करण्यात आली आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
