Palghar News: डोंगररांगामध्ये वसलेला जव्हार तालुक्यात शिक्षणाच्या अपुऱ्या सोयी आणि रोजगाराची वाणवा अशा परिस्थितीत येथील आदिवासी शेतकऱ्यांनी काजू लागवडीच्या माध्यमातून उत्पनाचा नवा मार्ग शोधला आहे. सध्या सुमारे सुमारे एक हजार हेक्टर क्षेत्रावर काजूच्या बागा फुलविल्या आहेत. बायफसारख्या संस्थेच्या मार्गदर्शनाने सुरू झालेला हा प्रवास आज जव्हारची नवी ओळख बनली आहे. .जव्हार तालुक्यात बायफसारख्या संस्थेने शेतकऱ्यांना केवळ पारंपारिक पीक न घेता फळबाग लागवड कशी फायदेशीर आहे, याबाबत उल्लेखनीय प्रात्यक्षिक प्रशिक्षण देऊन काजू, आंबे सारखी कलमे देण्यात आली. ती झाडे वाढविण्याकरीता प्रत्येक शेतकऱ्याला प्रोत्साहन अनुदान देखील देण्यात आले. या भागातील अनेक आदिवासी शेतकऱ्यांनी मागील काही वर्षांत उताराच्या, माळरानाच्या आणि पडीक जमिनींवर वेंगुर्ला चार या कलमाची लागवड केली..Cashew Farming: काजू पिकातून आर्थिक प्रगतीची संधी ः डॉ. मोहिते.कमी पाण्यात, नैसर्गिक परिस्थितीत तग धरू शकणाऱ्या या पिकामुळे शेतीचा खर्च कमी झाला आणि उत्पन्नाची हमी वाढली. यामुळे अनेक गावांमध्ये काजू हे केवळ पीक न राहता ‘सोन्यासारखे झाड’ ठरत आहे. यासाठी शेतकऱ्यांनी बाफसारख्या संस्थेचे आभार मानले आहेत..लागवडीची सुधारित पद्धतीकृषी विभाग, स्वयंसेवी संस्था आणि स्थानिक युवकांच्या मार्गदर्शनामुळे शेतकरी आता सुधारित लागवड पद्धती, रोपांची निगा, कीड व्यवस्थापन आणि बाजारभाव याबाबत जागरूक झाले आहेत. त्यामुळे उत्पादनाचा दर्जा आणि दर दोन्ही वाढताना दिसत आहेत..Cashew Farming: नवीन काजू लागवडीला प्रारंभ.बचत गटांना उत्पन्नाचा स्रोतकाजू तोडणे, सोलणे, वाळवणे, साठवण आणि विक्री या प्रक्रियेमुळे स्थानिक पातळीवर रोजगार निर्मिती झाली आहे. विशेषतः महिला बचत गटांनी काजू प्रक्रिया उद्योगात पुढाकार घेतल्याने त्यांना नियमित उत्पन्नाचा स्रोत मिळत आहे. काही ठिकाणी थेट ग्राहकांपर्यंत काजू पोहोचवण्याचे प्रयोगही यशस्वी ठरत आहेत..काजू कलमे तयार करणे, जोपासना करणे व काजू बी तथा काजूगर बाजारात नेऊन विक्री करणे अशा प्रकारे रोजगार उपलब्ध होऊ लागला आहे. त्यामुळे स्थलांतर थांबले असून कुपोषणही कमी होत असल्याचे जाणवते.- गणपत गावंढा, कृषीरत्न पुरस्कार प्राप्त शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
