Akola News: अकोला जिल्ह्यातील सन २०२५-२६ या वर्षातील खरीप हंगामाची अंतिम पैसेवारी ३० डिसेंबर जाहीर करण्यात आली आहे. अंतिम अहवालानुसार जिल्ह्याची एकूण सरासरी पैसेवारी ४८ पैसे इतकी निश्चित करण्यात आली आहे..जिल्ह्यात कापूस व सोयाबीन ही खरीपाची प्रमुख पिके आहेत. त्यांच्या लागवड क्षेत्राच्या आधारे तालुकानिहाय सरासरी पैसेवारी निश्चित करण्यात आली आहे. अहवालानुसार जिल्ह्यात एकूण ३ लाख ६२ हजार ०१४ हेक्टर क्षेत्रावर खरीप पिकांची लागवड झाली होती. .Kharif Paisewari : नजर अंदाज पैसेवारी ५२ पैसे.यामध्ये कापसाचे १ लाख ३६ हजार ८५७ हेक्टर, तर सोयाबीनचे २ लाख २५ हजार १५७ हेक्टर क्षेत्र आहे. तालुकानिहाय विचार करता अकोला तालुका अंतिम पैसेवारी ४९पैसे, अकोट ४८, तेल्हारा ४७, बाळापूर ४७, पातूर ४८, मूर्तिजापूर ४७ तर बार्शीटाकळी तालुक्याची सर्वाधिक ४९ पैसे इतकी पैसेवारी आली आहे..Kharif Paisewari: नांदेडला खरिपाची अंतिम पैसेवारी ३३.९८ जाहीर.गावनिहाय आकडेवारी पाहिली तर जिल्ह्यातील एकूण १,०१२ गावांपैकी ९९० गावांची पैसेवारी ५० पैसे किंवा त्याखाली आलेली आहे. अकोला तालुक्यातील १९९ पैकी १८१ गावे, अकोट तालुक्यातील १८५ गावे, तेल्हारा तालुक्यातील १०६, बाळापूर १०३, पातूर ९४, मूर्तिजापूर १६४ व बार्शीटाकळी तालुक्यातील १५७गावांची पैसेवारी ५० पैशांखाली आहे..या अंतिम पैसेवारी अहवालामुळे जिल्ह्यातील शेतकऱ्यांना विविध शासकीय मदत योजना, सवलती, पीककर्ज पुनर्गठन तसेच अन्य लाभ लागू होण्याचा मार्ग मोकळा झाला असून शेतकऱ्यांना मोठा दिलासा मिळण्याची अपेक्षा व्यक्त करण्यात येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
