Thane News : ठाणे जिल्हा परिषदेने आधुनिकतेची कास धरत, प्रशासकीय कामकाजामध्ये गतिमानता आणण्यासाठी हायटेक टेक्नॉलॉजीचा वापर करीत ऑनलाइन सेवा दिली जात आहे. अशातच आता, ग्रामपंचायतींची इत्थंभूत माहिती नागरिकांना मिळावी, यासाठी जिल्ह्यातील ४३१ ग्रामपंचायतींचे स्वतंत्र संकेतस्थळ तयार करण्यात येणार आहे. या संकेतस्थळावर सरपंच, उपसरपंच यांच्यासह विविध सुविधा, शासनाच्या योजनांची माहिती एका क्लिकवर मिळणार आहे. .ठाणे जिल्हा परिषदेचे तत्कालीन मुख्यकार्यकारी अधिकारी रोहन घुगे यांनी ठाणे जिल्हा परिषदेच्या प्रशासकीय कामकाजात सुधारणा करीत, गतिमान व पारदर्शक कामकाजाला चालना देण्यात आली आहे. त्यानुसार जिल्हा परिषदेतील प्रस्ताव, परिपत्रक तयार करण्यासाठी होणारा कागदांचा बेसुमार वापर टाळण्यासाठी सरकारच्या निर्देशानुसार ऑनलाइन पद्धतीचा अवलंब प्रशासीय कामकाजात करण्यावर भर दिला..Gram Panchayat Development Plan : ग्रामपंचायतीचा आराखडा महत्त्वाचा.सर्व माहिती एकत्रमालमत्ता कर, पाणी पट्टी कर याच्यासह जमा खर्च, स्वामित्व मालमत्ता कार्ड,नमुना ८ तसेच ग्रामपंचायत स्तरावरील माहिती, सरपंच, उपसरपंच यांच्यासह सदस्यांची माहिती आदी माहिती ऑनलाइनद्वारे नागरिकांना मिळणार असल्याचे सांगण्यात आले..Gram Panchayat Development : ग्रामपंचायतींचा विकास खोळंबला .४३१ ग्रामपंचायती एका क्लिकवरजिल्हा परिषदेच्या कामकाजासह पंचायत समितीचे काम ऑनलाइन करण्यावर भर देत, फाईल व नस्ती यांना मंजुरीदेखील ऑनलाइन पद्धतीने देण्यात येत आहे. त्यापाठोपाठ आता, ठाणे जिल्ह्यातील ४३१ ग्रामपंचायतीचा कारभार हायटेक करण्यासाठी जिल्हा परिषदेच्या ग्रामपंचायत विभागाने पुढाकार घेतला आहे. त्यानुसार प्रत्येक ग्रामपंचायतींचे संकेत स्थळाची निर्मिती करण्यात आली असून, या संकेत स्थळाच्या मध्यातून ग्रामपंचायतीची इत्यंभूत माहिती एका क्लिकवर मिळणार आहे..दुसऱ्या टप्प्यानंतर कार्यान्वितदरम्यान, ग्रामपंचायतीचे तयार करण्यात आलेल्या संकेतस्थळावर माहिती कशी अपलोड करावी, संकेत स्वतः कसे हाताळावे, याचे प्रशिक्षण कर्मचाऱ्यांना देण्यात आले. त्यानुसार पहिल्या टप्प्यातील प्रशिक्षण पूर्ण झाले असून, दुसऱ्या टप्प्यातील प्रशिक्षण दिल्यानंतर संकेतस्थळ कार्यान्वित करण्यात येणार असल्याची माहिती उप मुख्यकार्यकारी अधिकारी प्रमोद काळे यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
