Jalgaon News: जळगाव जिल्ह्यात खरीप हंगामातील कापसाची विक्रीस भारतीय कापूस पणन महामंडळ अर्थात ‘सीसीआय’कडे जिल्ह्यातील ४७ हजार १३२ शेतकऱ्यांनी नोंदणी होती. एकूण १५ केंद्रांवरून १० हजार ८५३ शेतकऱ्यांकडील २ लाख ९ हजार ३५७.६० क्विंटल कापूस ‘सीसीआय’ला विकला आहे. ‘सीसीआय’च्या जाचक अटींमुळे यंदा भाव अधिक असूनही शेतकऱ्यांचा कल खासगी व्यापारी जेव्हा चांगला भाव देतील, तेव्हा विकू, याकडे आहे. ‘सीसीआय’ कापसाला ८,११० रुपयांचा भाव प्रतिक्विंटल देत आहे, तर खासगी व्यापारी ७,४०० रुपये देत आहेत..खरीप हंगामाअंतर्गत ऑक्टोबर ते डिसेंबर या महिन्यांदरम्यान ‘सीसीआय’अंतर्गत कापसाची खरेदी केली जाते. ‘सीसीआय’ अंतर्गत सप्टेंबरपासून नोंदणी केल्यानुसार ऑक्टोबरमधील विजया दशमीपासून ‘सीसीआय’ खरेदी सुरू करते. परंतु, यंदा नोव्हेंबरअखेर उशीराने खरेदीला सुरवात झाली आहे. यंदा ‘कपास’ ॲपवर नोंदणीची अट होती. ३१ डिसेंबरपर्यंत ४७ हजार १३२ शेतकऱ्यांनी नोंदणी केली आहे. जिल्ह्यातील १५ केंद्रांवरून १० हजार ८५३ शेतकऱ्यांकडील २ लाख ९ हजार ३५७.६० क्विंटल कापसाची खरेदी ‘सीसीआय’ने केली आहे..‘सीसीआय’ कापूस विक्रीसाठी शेतकऱ्यांतर्फे होणारी नोंदणी प्रक्रिया ३१ डिसेंबर २०२५पासून बंद करण्याचा निर्णय घेतला होता. परंतु, बऱ्याच शेतकऱ्यांना कपास ॲपवर नोंदणीदरम्यान अनेक अडथळे येत असल्याने अजूनही बऱ्याच शेतकऱ्यांकडे कापूस नोंदणी व स्लॉट न मिळाल्याने खरेदी वाचून पडून आहे. .CCI Cotton Procurement: ‘सीसीआय’ची कापूस खरेदी ५० लाख गाठींवर.त्यामुळे ३१ डिसेंबरपासून नोंदणी बंद करण्याच्या ‘सीसीआय’च्या निर्णयाला मुंबई उच्च न्यायालयाच्या नागपूर खंडपीठाने स्थगिती दिली आहे. येत्या १६ जानेवारीपर्यंत ही नोंदणी सुरू ठेवण्याचे आदेश दिले आहेत. कापूस खरेदी केंद्राच्या नोंदणी व खरेदी कमतरतेसंदर्भात ग्राहक पंचायत महाराष्ट्राचे जिल्हा सचिव श्रीराम सातपुते यांनी जनहित याचिका दाखल केली होती. त्यावर न्यायमूर्ती राज वाकोडे यांच्यासमक्ष सुनावणी झाली. .CCI Cotton Procurement: ‘सीसीआय’ची ७.२४ लाख क्विंटल कापूस खरेदी.येत्या १६ जानेवारीपर्यंत मुदतवाढ देण्याची तोंडी ग्वाही ‘सीसीआय’ने उच्च न्यायालयात दिली. सुमारे दीड लाखाहून अधिक कापूस उत्पादक शेतकऱ्यांची नोंदणी प्रक्रियेत आहे. मात्र, कापूस नोंदणीच्या प्रक्रियेत तांत्रिक अडचणींसह अन्य समस्या निर्माण होत आहेत..त्यामुळे जिल्ह्यातील ‘सीसीआय’च्या १५ कापूस खरेदी केंद्रांवर ४७ हजार १३२ उत्पादकांच्या कापसाची नोंदणी झाली आहे. नोंदणी झालेल्या कापूस उत्पादकांपैकी १० हजार ८५३ शेतकऱ्यांच्या २ लाख ९ हजार ३५७ क्विंटल कापसाची खरेदी करीत मोजणी पूर्ण झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
