Agriculture Loan : जिल्ह्यात पुण्यश्लोक अहिल्यादेवी होळकर शेतकरी कर्जमुक्ती योजनेत पात्र ३१ हजार ५५६ शेतकऱ्यांची पहिली यादी प्रसिद्ध झाली आहे. अद्यापपर्यंत २१ हजार ११ शेतकऱ्यांनी ई केवायसी पूर्ण केली असून, दहा हजार ५४५ शेतकऱ्यांनी केवायसी पूर्ण केलेली नाही. त्यासाठी सहकार, महसूल, कृषी विभागाच्या माध्यमातून शेतकऱ्यांची ॲग्रीस्ट्रॅक नोंदणी करून केवायसी पूर्ण करण्याची सूचना केली आहे. मृत शेतकऱ्यांची वारस नोंदही तातडीने करून घेण्यास सांगितले आहे, अशी माहिती जिल्हाधिकारी संतोष पाटील यांनी पत्रकार परिषदेत दिली..या वेळी जिल्हा उपनिबंधक संजय सुद्रिक, जिल्हा निवडणूक अधिकारी भगवान कांबळे, तसेच अधिकारी उपस्थित होते. श्री. पाटील म्हणाले, ‘‘कर्जमाफी योजनेत पात्र ठरलेल्या शेतकऱ्यांनी ॲग्रीस्ट्रॅक नोंदणी करून घेणे आवश्यक आहे. अद्याप ४८१२ शेतकऱ्यांची नोंदणी नसल्याचे निदर्शनास आलेले आहे. कर्जमाफीसाठी खाती अपलोड केलेल्या शेतकऱ्यांची संख्या ५२ हजार ६२२ इतकी होती. त्यापैकी ३१ हजार ५५६ पात्र शेतकऱ्यांची पहिली यादी प्रसिद्ध झाली आहे..Loan Waiver Eligibility: छत्रपती संभाजीनगर जिल्ह्यातील एक लाख शेतकरी कर्जमुक्तीसाठी पात्र.यामध्ये जिल्हा बॅंकेचे २७ हजार २८६, तर राष्ट्रीयकृत बॅंकांचे ४२७० शेतकऱ्यांचा समावेश आहे. अद्याप दहा हजार ५४५ शेतकऱ्यांनी ई केवायसी प्रलंबित आहे. कर्जमाफीची दुसरी यादी ऑगस्टमध्ये प्रसिद्ध होणार आहे. त्यापूर्वी शेतकऱ्यांनी ॲग्रीस्टॅक नोंदणी करून घ्यावी. जे पात्र शेतकरी मृत आहेत, त्यांच्या वारसांची नोंदणी करून घेण्याची सूचना कृषी, सहकार व महसूल विभागाला केली आहे. .Farm Loan Waiver: कर्जमाफी योजनेची प्रत्यक्ष अंमलबजावणी सुरु, शेतकऱ्यांची पहिली यादी जाहीर.वारसांची नोंद झाल्यावर त्यांची ॲग्रीस्टॅक नोंदी, तसेच आधार प्रमाणिकरण केल्यानंतरच पात्र यादीत त्यांचे नाव येणार आहे. त्यासाठी बॅंकांच्या अधिकारी व प्रतिनिधींची बैठक घेऊन सूचना केल्या आहेत. दोन लाखांपेक्षा जास्त कर्ज रक्कम असल्यास अशा शेतकऱ्यांना प्रथम दोन लाखांपेक्षा जास्त असलेल्या थकीत रकमेची परतफेड करणे आवश्यक आहे. त्यानंतर पात्र शेतकऱ्याला एकवेळ समझोता योजनेंतर्गत दोन लाख रकमेचा लाभ देण्यात येणार आहे..तक्रार निवारण समिती स्थापनशेतकऱ्यांसाठी जिल्हास्तरावर जिल्हाधिकाऱ्यांच्या अध्यक्षतेखाली तक्रार निवारण समिती स्थापन केली असून, शेतकऱ्यांनी कृषी विभाग, महसूल विभाग, सहकार विभागातील अधिकाऱ्यांशी संपर्क करून आपल्या समस्यांचे निराकरण करून घ्यावे, असे आवाहन त्यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
