Agriculture Budget 2026-27: राज्यातील कृषी योजनांसाठी अनुदानाचा दुसरा हप्ता देताना केंद्र सरकारने निधीत अचानक दहा टक्के कपात केली आहे. त्यामुळे या योजनांपोटी अपेक्षित असलेले एकूण १२२ कोटी रुपये तूर्तास मिळणार नसल्याचे स्पष्ट झाले आहे..केंद्र शासनाने २०२५-२६ या आर्थिक वर्षाकरिता महाराष्ट्रासाठी ८८१ कोटी ४५ लाख रुपये खर्चाची ‘पंतप्रधान राष्ट्रीय कृषी विकास योजना’ (पीएम-आरकेव्हीवाय) राबविण्यास मान्यता दिली आहे. त्यासाठी ७३४ कोटी ३० लाख रुपये देण्यास मान्यतादेखील दिली होती. मात्र त्यात आता दहा टक्के तात्पुरती कपात केली आहे..Cashew Seed Subsidy: काजू बी अनुदानासाठी ६ लाखांचा निधी.ही कपात अचानकपणे कोणत्या कारणास्तव केली, याचा खुलासा केंद्राने राज्याकडे केलेला नाही. मात्र त्यामुळे केंद्राकडे ७३ कोटी ४३ लाख रुपयांचा निधी अडकून पडणार आहे. केंद्राने निधी कमी केल्याने त्यासोबतच मिळणारा राज्य हिश्शाचा ४८ कोटी ९५ लाख रुपयांचा वाटादेखील मिळणार नाही..त्यामुळे कृषी विभागाला एकूण १२२ कोटी ३८ लाख रुपये तूर्तास मिळणार नाहीत, अशी माहिती कृषी विभागातील सूत्रांनी दिली. कृषी विभागाच्या म्हणण्यानुसार, केंद्राने दहा टक्के निधी तूर्त न देण्याचे निश्चित केले असले तरी त्याला सरसकट कपात म्हणता येणार नाही. कारण ९० टक्के निधी खर्च होताच उर्वरित दहा टक्के निधी मिळणार आहे..Micro Irrigation Subsidy: सूक्ष्म सिंचनासाठी मिळणार १७८ कोटी .तसेच आतापर्यंत मिळालेला ९० टक्के निधी मार्चअखेर पूर्णतः खर्च होण्याची खात्री आहे. त्यामुळे केंद्राने मूळ प्रस्तावानुसार मंजूर केलेला सर्वच्या सर्व म्हणजे ७३४ कोटींचा निधी प्राप्त होईल. तसेच, हा निधी शेतकऱ्यांच्या खात्यात वर्ग होणेही शक्य आहे..कृषी आयुक्तालयातील सूत्रांच्या दाव्यानुसार, राज्याला ‘पंतप्रधान राष्ट्रीय कृषी विकास योजना’ राबविण्यासाठी पहिल्या हप्त्यात ३६७ कोटी १५ लाख रुपये यापूर्वीच मिळाले आहेत. आतादेखील दुसऱ्या हप्त्यापोटी २८५ कोटी ९४ लाख रुपये अलीकडेच प्राप्त झाले आहेत. केंद्राने यापूर्वी राज्याला निधी देताना प्रति टप्पा २५ टक्के याप्रमाणे चार टप्प्यांमध्ये अनुदान हिस्सा देण्याची पद्धत ठेवली होती..ही पद्धत किचकट होती. उलट आता त्याऐवजी तीन टप्पे केले आहेत. त्यानुसार पहिला टप्पा ५० टक्के, दुसरा टप्पा ४० टक्के व दुसऱ्या टप्प्यातील ७५ टक्के निधी खर्च होताच राहिलेल्या तिसऱ्या टप्प्यातील १० टक्के निधी देण्याचे ठरवले आहे..योजनांचा लेखाजोखा (सर्व आकडे कोटी रुपयांमध्ये)योजनेचे नाव मंजूर रक्कम कपातीनंतर मिळणारी रक्कमप्रकल्पाधारित आरकेव्हीवाय २४३.११ २१८.८०प्रति थेंब अधिक पीक २८६.३६ २५७.७२वार्षिक आरकेव्हीवाय ३९.३० ३५.३७कोरडवाहू क्षेत्र विकास २५.९५ २३.३६कृषी यांत्रिकीकरण उप अभियान ९९.१९ ८९.२७वनशेती १०.६८ ९.६१मृदा आरोग्य २९.७१ २६.७४.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
