Nanded News: नांदेड जिल्ह्यातील दिवाळीनंतर थंडीचे प्रमाण वाढण्याऐवजी कमी झाले होते. परंतु मागील चार-पाच दिवसांपासून तामनाचा पारा १८ अंश सेल्सिअसवरून ९.९ अंश सेल्सिअसपर्यंत खाली आल्याने थंडी जाणवू लागली आहे. परिणामी रब्बीतील पिकांना पोषक वातावरण तयार झाल्याचे दिसून येत आहे..नांदेड जिल्ह्यात सध्या रब्बी हंगामातील पेरणी आटोपत येत आहे. यंदा जिल्ह्यात साडेतीन लाख हेक्टर क्षेत्रावर पेरणी अपेक्षीत आहे. यात सर्वाधिक क्षेत्रावर हरभरा लागवडीच अंदाज आहे. तसेच गहू, करडई, रब्बी ज्वारी, मका या पिकांचाही रब्बीत समावेश असतो. या पिकांना थंडीचे प्रमाण चांगले असेल ते वाढीसाठी अनुकूल वातावरण मानले जाते..Nanded Weather : नांदेडला थंडीचा कडाका वाढला.परंतु जिल्ह्यात दिवाळीनंतर ठराविक अंतराने ढगाळ वातावरण येऊन थंडी गायब होत आहे. यामुळे उत्पादनावर विपरीत परिणाम होत होता. यामुळे तुरीवर अळीचा प्रार्दुभावही वाढला. जिल्ह्यातील शेतकरी गहू पिकाच्या पेरणीच्या कामात असताना सध्या थंडीचे प्रमाण वाढल्यामुळे गव्हाची वाढही चांगली होईल, असे जाणकार शेतकरी सांगत आहेत. जिल्ह्यात मागील दोन दिवसांपासून किमान तापमानाचा पारा ९.९ अंश सेल्सिअसपर्यंत खाली आला आहे. यामुळे थंडी जाणवू लागली आहे..Nanded Rainfall: नांदेडला पाच महिन्यांत विक्रमी १३७ टक्के पाऊस .दरम्यान मागील १९ नोव्हेंबर रोजी किमान तापमान १०.२ अंशांवर आले होते. परंतु त्यानंतर मात्र ढगाळ वातावरण तयार झाल्यामुळे कमाल तापमानात वाढ सुरू झाली. २१ नोव्हेंबरला ११.८ अंश, २२ नोव्हेंबरला १४ अंश, २३ नोव्हेंबरला १५.६ अंश, २४, २५ व २६ नोव्हेंबरला १६ अंश, २७ नोव्हेंबरला १६.३ अंश, २८ नोव्हेंबरला १६.२ अंश असा तापमानाचा पारा वाढत गेला. परंतु यानंतर २९ नोव्हेंबरपासून किमान तापमानात घट जाणवू लागली. २९ नोव्हेंबरला ११.८ अंश, एक डिसेंबरला ११.३ अंश नोंद झाली..मंगळवारी २ डिसेंबर १४.३ अंश, ३ डिसेंबरला १४.३ अंश, ४ डिसेंबरला १३.८ अंश, ५ डिसेंबरला ११.९ अंश नोंदले गेले. तर सोमवारी (ता. ८) किमान तापमान ९.९ अंश सेल्सिअस तर कमाल २९.७ अंश सेल्सिअस नोंदले. कमाल तापमानात घट झाल्यामुळे जिल्ह्यात थंडी जाणवत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
