Pune News: पुणे जिल्हा सत्र न्यायालयाने दणका दिल्यानंतर अखेर टेमघर प्रकल्पग्रस्तांसाठी पुढील आठ दिवसांत वाढीव मोबदला देण्याचा निर्णय जलसंपदा विभागाने घेतला आहे. त्यामुळे प्रकल्पग्रस्त शेतकऱ्यांना दिलासा मिळाला आहे..जिल्हा सत्र न्यायालयाने टेमघर धरणग्रस्तांना वाढीव मोबदला देण्याचे आदेश देऊन दोन वर्षे उलटली. मात्र, महाराष्ट्र कृष्णा खोरे विकास महामंडळाने मोबदला न दिल्याने न्यायालयाने विशेष भूसंपादन अधिकाऱ्यांच्या खुर्चीच्या जप्तीचे आदेश गेल्या वर्षी ऑगस्टमध्ये दिले होते..Temghar Dam: टेमघर धरणाच्या दुरुस्तीसाठी ३१५ कोटी रुपये मान्यता.त्यावेळी जिल्हा प्रशासनाने जलसंपदा विभागाच्या कार्यकारी अभियंत्यांशी चर्चा करून पुढील दोन महिन्यांत हा मोबदला न्यायालयात जमा करून शेतकऱ्यांना देण्यात येईल, असे लेखी आश्वासन दिले. मात्र, पाच महिने उलटूनही शेतकऱ्यांना मोबदला मिळू शकला नाही..याबाबत जलसंपदा विभागाने राज्य सरकारकडे निधीची मागणी केली होती. मात्र, अद्यापही तो शासनाकडून मिळालेला नाही. मोबदल्याचा आदेश देऊनही तो न मिळाल्याने शेतकऱ्यांनी पुन्हा न्यायालयात धाव घेतली. त्यानुसार न्यायालयाने बुधवारी भूसंपादन अधिकाऱ्यांच्या खुर्चीच्या जप्तीचे आदेश काढले. .Temghar Dam : मुठा खोऱ्यास टेमघर ठरेना वरदान.त्यानंतर न्यायालयाच्या बेलिफसह शेतकऱ्यांनी जिल्हाधिकारी कार्यालयातील भूसंपादन अधिकाऱ्यांच्या कार्यालयावर कारवाई सुरू केली. मात्र भूसंपादन समन्वय अधिकारी डॉ. कल्याण पांढरे यांनी या प्रकरणात मध्यस्थी करत शेतकऱ्यांशी चर्चा करून आश्वासन दिले..बुधवारी महामंडळाचे कार्यकारी संचालक डॉ. हेमंत धुमाळ यांनी बैठक घेतली. तसेच जलसंपदा विभागाच्या अतिरिक्त मुख्य सचिवांशी चर्चा केली. त्यात सचिवांनी याबाबत पुढील आठ दिवसांत निधी उपलब्ध करून दिला जाईल, असे आश्वासन दिल्याचे धुमाळ यांनी बैठकीनंतर सांगितले. .भूसंपादन अधिकारी वनश्री लाभशेटवार, कार्यकारी अभियंता गुंजन करंडे तसेच संबंधित प्रकल्पग्रस्त शेतकरीही उपस्थित होते. त्यामुळे शेतकऱ्यांना वाढीव मोबदला मिळण्याचा मार्ग मोकळा झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
