Sindhudurg News: जिल्ह्यात पीक पाहणीतील तांत्रिक अडचणींमुळे सिंधुदुर्गातील शेकडो आंबा, काजू बागायतदार अडचणीत आले आहेत. या तांत्रिक समस्या दूर करणारी सक्षम यंत्रणाच तालुका आणि जिल्हा पातळीवर नसल्याने शेतकरी बुचकळ्यात पडला असून फळपीक विमा योजनेपासून अनेक शेतकरी वंचित राहण्याची शक्यता आहे..हवामानावर आधारित फळपीक विमा योजनेसाठी ३० नोव्हेंबरपर्यंत मुदत आहे. या योजनेसाठी आंबा, काजू पीक क्षेत्राची पीक पाहणी होणे आवश्यक आहे. त्यामुळे गेल्या महिनाभरापासून जिल्ह्यातील आंबा, काजू बागायतदार आपापल्या क्षेत्राची पीक पाहणी करण्याचा प्रयत्न करीत आहेत. .E-Peek Pahani : पीक पाहणीतील ३८ हजार शेतकऱ्यांना अर्थसाहाय्य.सध्या जिल्ह्यातील पीक पाहणी करण्याची जबाबदारी त्या त्या गावातील पोलिस पाटील यांच्यावर देण्यात आली आहे. परंतु पीक पाहणी करताना अनेक तांत्रिक समस्या निर्माण होत आहेत. अनेक क्षेत्राचे गटक्रमांक दुसरीकडेच दाखविले जात आहेत. .काही आंबा, काजू बागांच्या क्षेत्रावर आपसूकच भातपीक लागवडीचे क्षेत्र नोंद झाले आहे. पीक पाहणी ॲपमध्ये सर्व माहिती भरल्यानंतर ते अनेकदा स्वीकारलेचजात नाही. अशा अनेकसमस्या शेतकऱ्यांना येतआहेत..Wildlife Crop Insurance: वन्यप्राण्यांनी केलेल्या शेतीपिकांच्या नुकसानीसाठी मिळणार पीक विमा योजनेतून भरपाई; केंद्र सरकारचा निर्णय.त्यामुळे शेतकरी तलाठी, मंडळ अधिकारी, तहसीलदार, कृषी विभागाचे दरवाजे ठोठावत आहेत. हे अधिकारी वेगवेगळे पर्याय शेतकऱ्यांना देतात. परंतु त्यातून काहीही साध्य होताना दिसत नाही. त्यामुळे शेतकऱ्यांमध्ये प्रचंड असंतोष आहे. शासनाने तातडीने तांत्रिक दोष दूर करावेत, अशी मागणी शेतकऱ्यांकडून केली जात आहे. याशिवाय पीक पाहणी होत नसल्याने पीकविमा योजनेची मुदतवाढवावी, अशी मागणी केली जात आहे..शासनाने पीक पाहणी प्रक्रियेतील तांत्रिक दोष तातडीने दूर करावेत, यासाठी आम्ही यापूर्वीच पत्रव्यवहार केलेला आहे. परंतु तरीदेखील अजूनही मोठ्या प्रमाणात दोष आहेत. ते तातडीने दूर करावेत. पीक पाहणीतील दोषामुळे कोणीही शेतकरी पीक विमा योजनेपासून वंचित राहू नये, यासाठी मुदतवाढ द्यावी.- संजय देसाई, अध्यक्ष, फळबागायतदार संघ, दोडामार्ग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
