Karj Mafi Yojana : पुण्यश्लोक अहिल्यादेवी होळकर शेतकरी कर्जमुक्ती योजनेच्या पहिल्या टप्प्यात पात्र शेतकऱ्यांच्या कर्जखात्यांवर रक्कम वर्ग करण्यात आली. मात्र तांत्रिक चुकीमुळे अहिल्यानगर जिल्हा मध्यवर्ती सहकारी बँकेची देवळाली प्रवरा शाखा या प्रक्रियेतून वगळली गेली. त्यामुळे सुमारे चार कोटी ७२ लाख रुपयांची रक्कम परत गेल्याने शाखेअंतर्गत ६६० पात्र शेतकरी पहिल्या टप्प्यात कर्जमुक्तीच्या लाभापासून वंचित राहिले आहेत..अहिल्यानगर जिल्ह्यातील ७२ हजार ५५९ शेतकऱ्यांच्या कर्जखात्यांवर ६९७ कोटी ८१ लाख २५ हजार १३९ रुपये वर्ग करण्यात आले आहेत. त्यापैकी जिल्हा मध्यवर्ती सहकारी बँकेच्या ६५ हजार ६५६ शेतकरी सभासदांना ६२२ कोटी ७४ लाख रुपयांच्या कर्जमाफीचा लाभ मिळाला आहे..Farm Loan Waiver: लाभार्थी शेतकरी मयत असल्यास वारसांना कर्जमुक्तीचा लाभ मिळेल का? .दरम्यान, जिल्हा बँकेच्या २७७ शाखांतील पात्र लाभार्थी शेतकऱ्यांची माहिती ऑनलाइन अपलोड करण्यात आली होती. मात्र देवळाली प्रवरा शाखेची माहिती अपलोड करताना तांत्रिक चूक झाल्याचे बँकेकडून सांगण्यात आले. त्यामुळे या शाखेच्या पात्र लाभार्थ्यांसाठी असलेली कर्जमुक्तीची रक्कम वर्ग होऊ शकली नाही..Nashik Loan Waiver : नाशिकमध्ये कर्जमुक्ती योजनेच्या पहिल्या टप्प्याला वेग.शुक्रवारी सायंकाळी देवळाली प्रवरा शाखेला कर्जमुक्तीची रक्कम मिळाली नसल्याचे निदर्शनास आले. त्यानंतर संबंधित यंत्रणेशी ई-मेलद्वारे पत्रव्यवहार करण्यात आला आहे. दुसऱ्या टप्प्यात ही रक्कम वर्ग होईल, असे जिल्हा बँकेकडून सांगण्यात आले..देवळाली प्रवरा शाखेला कर्जमुक्तीची रक्कम वर्ग झाली नसल्याचे शुक्रवारी सायंकाळी निदर्शनास आले. ऑनलाइन प्रक्रियेतील तांत्रिक चुकीमुळे चार कोटी ७२ लाख रुपयांची रक्कम परत गेली. यासंदर्भात ई-मेलद्वारे पत्रव्यवहार केला आहे. दुसऱ्या टप्प्यात ही रक्कम वर्ग होईल.- जयंत देशमुख, जनरल मॅनेजर, एडीसीसी बँक, अहिल्यानगर.जिल्हा सहकारी बँकेच्या देवळाली प्रवरा शाखेअंतर्गत देवळाली प्रवरा विविध कार्यकारी सहकारी सोसायटीचे ६६० पात्र शेतकरी कर्जमुक्ती योजनेच्या पहिल्या टप्प्यात लाभापासून वंचित राहिले आहेत.- शहाजीराजे कदम, संचालक, देवळाली प्रवरा सोसायटी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
