Parbhani News : भारतीय कापूस महामंडल (सीसीआय) खरेदी केंद्रावर कापूस विक्रीसाठी कपास किसान अॅपद्वारे नोंदणी केलेल्या शेतकऱ्यांची पडताळणी करण्यासाठी (व्हॅलिडेशन) कृषी उत्पन्न बाजार समित्यांना तांत्रिक अडचणीमुळे विलंब लागत आहेत.पडताळणीअभावी शेतकऱ्यांना खरेदी केंद्रांवर कापूस विक्रीसाठी नेण्यासाठी स्लॉट बुकीग करणे शक्य होणार नाही. कपास किसानवर नोंदणीसाठी शुक्रवार (ता. ३१) पर्यंतची मुदत असून अद्याप अनेक शेतकऱ्यांची नोंदणी राहिली असल्यामुळे मुदत वाढ देण्याची मागणी केली जात आहे..भारतीय कापूस महामंडळाने (सीसीआय) ‘कापूस किसान मोबाईल अॅप’द्वारे शेतकऱ्यांना नोंदणी करावी लागत आहे. परभणी जिल्ह्यातील कृषी उत्पन्न बाजार समित्यांतर्गत गुरुवार (ता. ३०) पर्यंत सुमारे २० हजारांवर शेतकऱ्यांची नोंदणी झालेली आहे. .Cotton Market : परभणी, हिंगोली जिल्ह्यात ७ लाख ६८ हजार क्विंटल कापसाची खरेदी.नोंदणी केलेल्या शेतकऱ्यांनी जोडलेल्या चालू वर्षातील कपाशीचा पेरा असलेला ७-१२, आधार कार्ड आदी बाबीची पडताळणी करून कृषी उत्पन्न बाजार समित्यांकडून शेतकऱ्यांना कापूस विक्रीसाठी मंजुरी (अॅप्रूव्हल) दिले जात आहे. .परंतु कृषी उत्पन्न बाजार समित्यांना cottonprocurement.in/login लिंकवर शेतकऱ्यांचे कापूस खरेदी बाबत पडताळणी (व्हॅलिडेशन) करण्यासाठी सी. सी. आ. मार्फत बाजार समितीस दिलेला आय. डी/ पासवर्ड टाकला असता अॅथोरायझेशन फेल्ड असे येत आहे. .Cotton Market: खानदेशात कापसाची आवक अल्प.त्यामुळे शेतकऱ्यांचे पडताळणी करण्यात अडथळा निर्माण होत आहे. कपास किसान अॅपवर शेतकऱ्यांना नोंदणी करतांना ७-१२ उतार १ एम. बी. आकाराची अट असल्यामुळे सातबारा अपलोड करण्यासाठी शेतकऱ्याना समस्या निर्माण होत आहे. शेतकरी नोंदणी तसेच पडताळणीची प्रक्रिया सुलभ करण्याची मागणी बाजार समित्यातर्फे करण्यात आली आहे..अॅपद्वारे नोंदणी व स्लॉट बुकिंग प्रक्रियेस मदत करण्यासाठी एक https://www.youtube.com/@KapasKisan-Official ही विशेष लिंक तयार करण्यात आली आहे. त्यामध्ये नोंदणी व स्लॉट बुकिंगसाठी सविस्तर माहिती व पायऱ्या दिलेल्या आहेत. स्लॉट बुकिंगची सुविद्या सात दिवसाच्या रोलिंग बेसिसवर खुली राहील. .प्रत्येक दिवशी एक तारीख बंद होईल व दुसऱ्या दिवशी नवीन तारीख खुली केली जाईल. स्लॉट सुरू होण्याची वेळ दररोज सकाळी १० असेल. सीसीआयच्या खरेदी केंद्रावर कापूस विक्रीसाठी शेतकऱ्यांनी नोंदणी प्रक्रिया पूर्ण करुन स्लॉट बुकिंग करणे आवश्यक आहे, असे राज्य कापूस पणन महासंघाच्या सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
