Rural Water Scarcity: मेच्या तळपत्या उन्हासोबत जमिनीतील पाणीपातळी खालावल्याने एकीकडे उन्हाचा पारा चाळीशी पार करत असतानाच जिल्ह्यातील ग्रामीण भागात पाण्याचे दुर्भिक्ष्य वाढत आहे. विहिरींनी तळ गाठल्याने आणि पाण्याचे नैसर्गिक स्रोत आटल्याने जिल्ह्यातील सात तालुक्यांमधील सुमारे दीड लाख जनतेची तहान सध्या टँकरवर अवलंबून आहे. प्रशासनाकडून ८३ टँकरच्या माध्यमातून दिवसाला तब्बल १६५ फेऱ्या मारून पाणीपुरवठा केला जात आहे..जिल्ह्यात उन्हाचा तडाखा वाढल्याने पाणीटंचाईची समस्या गंभीर होत चालली आहे. आजमितीस २६७ गावे व वाड्यांना ८३ टँकरद्वारे पाणीपुरवठा केला जात आहे. १५ पैकी सात तालुक्यांमध्ये तीव्र पाणीटंचाई आहे. नाशिक, दिंडोरी, बागलाण, नांदगाव, सुरगाणा, त्र्यंबकेश्वर, कळवण आणि निफाड या तालुक्यांत अद्याप पाणी उपलब्ध आहे..Water Scarcity: पेठ तालुक्यात पाणीटंचाई, तातडीने टँकर सुरू करा : खासदार भगरे.तर जिल्ह्यातील पूर्व भागातील येवला, मालेगाव, सिन्नर तसेच डोंगराळ इगतपुरी व पेठ तालुक्यांना सध्या पाणीटंचाईचा सामना करावा लागत आहे. गतवर्षी (ता. ४) याच दिवशी जिल्ह्यात १०८ टँकर सुरू होते. यंदा ८३ टँकर असून, गेल्या वर्षीच्या तुलनेत यंदा टँकरची संख्या कमी आहे. टँकर भरण्यासाठी प्रशासनाने २८ खासगी विहिरी ताब्यात घेतल्या आहेत..येवल्यात पाणीबाणीब्रिटिशकालीन दुष्काळी तालुका असलेल्या येवल्यात टंचाईची दाहकता भयावह आहे. उत्तर-पूर्व भागात पाणी उपलब्ध नसल्याने तब्बल ३६ गावे व ४७ वाड्या अशा ८३ ठिकाणी रोज ३३ टँकरद्वारे ५५ खेपांमधून पाणीपुरवठा करावा लागत आहे. यावर तब्बल ५८ हजार नागरिकांची तहान भागवावी लागत आहे..Gas Theft Case: गॅस चोरीप्रकरणी १.२६ कोटींच्या मुद्देमालासह दोन मोठे टँकर जप्त.टँकरच्या दिवसाला दोन फेऱ्यासर्व ८३ टँकर खासगी असून दिवसभरात १६५ फेऱ्यांमधून पाणीपुरवठा सुरू आहे. म्हणजेच सरासरी एक टँकर दिवसाला दोन फेऱ्या पूर्ण करत आहे. इगतपुरीमध्ये ३०, मालेगावमध्ये २७, तर येवल्यात सर्वाधिक ५५ फेऱ्या रोज होत आहेत..आकडे बोलतात...टँकर सुरू असलेली गावे : ७३टँकर सुरू असलेल्या वाड्या : १९७कार्यरत टँकर : ८३दिवसभरात फेऱ्या ः १६५बाधित लोकसंख्या : अंदाजे १,४८,८०२.तालुकानिहाय आकडेतालुका गावे वाड्या टँकर फेऱ्यायेवला ३६ ४७ ३३ ५५इगतपुरी ७ ३८ १४ ३०मालेगाव १४ ४८ १४ २७चांदवड ७ ४ ५ ५सिन्नर १ ४६ ९ २५पेठ ५ ३ ५ ११देवळा ३ ११ ३ ६.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
