Kolhapur News : टाकळीवाडी (ता. शिरोळ) येथील श्री गुरुदत्त शुगर्सच्या कर्मचाऱ्यांनी पूरग्रस्तांसाठी एक दिवसाचा पगार दिला आहे. यातून घेण्यात आलेले शालेय साहित्य व जीवनावश्यक वस्तू धाराशिव जिल्ह्यातील भूम, ढगे चिंचपूर, वाल्हा, हिवरडा, भव्हाणवाडी, वाशी, केळेवाडी व सोलापूर जिल्ह्यातील मोहळ येथील एक हजार पूरग्रस्त कुटुंबीयांना गावांमध्ये जाऊन प्रत्यक्षात वाटप करण्यात आले. .अनेक वाड्यांमध्ये पावसामुळे पूल, रस्ते वाहून गेल्यामुळे तेथील लोकांना मदत पोहोचली नव्हती. साखर, तांदूळ, गहू, हरभरा व तूरडाळ, अंघोळीचे, धुण्याचे व भांडी घासण्याचे साबण, सोनपापडी, बिस्कीट, टोस्ट आदी बेकरी पदार्थ या जीवनावश्यक वस्तूंसह वह्या, पेन व पेन्सिल बॉक्स आदी शालेय साहित्य एकत्र करून एक हजार पॅकेटस तयार करण्यात आले..Maharashtra Flood Relief Package: अतिवृष्टिग्रस्तांसाठी ३१ हजार ६२८ कोटी.ही मदत कारखान्याचे अध्यक्ष माधवराव घाटगे, संचालक कारखान्याचे अधिकारी व कर्मचारी यांच्या उपस्थितीत पूरग्रस्त भागाकडे पाठविण्यात आली. श्री. घाटगे म्हणाले, की महापूर व कोरोनासारख्या आपत्तींमध्ये व इतर सामाजिक कार्यात गुरुदत्त शुगर्स नेहमीच सर्वांत अग्रभागी राहिला आहे. सामाजिक बांधिलकीच्या भावनेतून गुरुदत्त शुगर्सच्या कर्मचाऱ्यांनी आपला एक दिवसाचा पगार पूरग्रस्त लोकांना देऊन माणुसकीचे कार्य केले आहे. .Flood Relief Package: ‘पॅकेज’चा फोलपणा.कारखान्याचे अधिकारी व कर्मचारी यांनी समाजाच्या हितासाठी आणि गरजू लोकांसाठी सदैव योगदान दिले असल्याचे श्री. घाटगे यांनी सांगितले. साहित्य पोहोच करण्यासाठी पंचायत समितीचे माजी उपसभापती भवानीसिंह घोरपडे यांचे विशेष सहकार्य लाभले. २००५ पासून शिरोळ तालुक्यातील पूरग्रस्तासांठी गुरुदत्त साखर कारखान्याने पूरग्रस्तांच्या सेवेचे व्रत जोपासले आहे. .महापूर आला की गुरुदत्त साखर कारखाना हजारो पूरग्रस्तांचा आधार बनतो. स्वखर्चाने जनावरांच्या चाऱ्यापासून ते पूरग्रस्तांच्या नाश्ता, जेवणाची सोयही कारखाना स्वखर्चाने व स्वतःच्या कर्मचाऱ्यांच्या मदतीने स्वयंस्फूर्तीने करतो. महापूरग्रस्तांच्या दुःखाची जाण प्रत्येक कर्मचाऱ्याला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
