Pune News: कृषी विस्तार व योजनांची कामे करण्यासाठी लॅपटॉपची आवश्यकता असताना टॅब खरेदीच्या हालचाली शंकास्पद आहेत, असे नाराजीचे पत्र महाराष्ट्र राज्य सहायक कृषी अधिकारी संघटनेने कृषी विभागाच्या प्रधान सचिवांना दिले आहे. .क्षेत्रिय कृषी अधिकाऱ्यांना लॅपटॉप पुरविण्याची मागणी काही वर्षांपासून प्रलंबित आहे. या मुद्यावर ७ फेब्रुवारीला कृषी आयुक्तांसोबत; तर १० फेब्रुवारीला कृषिमंत्र्यांसोबत बैठका झाल्या. मात्र, त्यातून काहीही निष्पन्न झाले नाही. ‘‘राज्यभर गावपातळीवर केवळ सहायक कृषी अधिकारी कामे करतात..Agriculture Department : कृषी विभागाकडून कृषी सेवा केंद्रांची झाडाझडती.शासकीय योजना व कृषी तंत्रज्ञान गावशिवारापर्यंत पोहोचविण्यात आमची यंत्रणा मोलाची ठरते. विस्तार व योजनांची कामे ऑनलाइन होताच डिजिटल कामकाजासाठी लॅपटॉप पुरविणे अत्यावश्यक होते. परंतु, या मुद्द्याकडे सतत दुर्लक्ष केले गेले,’’ असे संघटनेने म्हटले आहे..‘‘लॅपटॉपचे सर्व फायदे यापूर्वीच्या चर्चेत तत्कालीन कृषिमंत्री अॅड. माणिकराव कोकाटे यांना सविस्तरपणे सांगितले होते. मात्र, आता काही प्रशासकीय अधिकारी लॅपटॉपऐवजी टॅब पुरविण्याचे सूचवत आहेत. हा सल्ला चुकीचा आहे. प्रशासकीय अधिकाऱ्यांचा टॅब खरेदीचा अट्टाहास कशासाठी चालू आहे, ही खरेदी शंकास्पद असल्याची धारणा राज्यभरातील क्षेत्रिय अधिकाऱ्यांची आहे,” अशी भूमिका संघटनेने मांडली आहे..Agriculture Department: ‘ठिबक’साठी सहा कागदपत्रे तपासण्याच्या सूचना .लॅपटॉप पुरविल्यास शेतकऱ्यांच्या ई-केवायसीची कामे बायोमेट्रिक तंत्राद्वारे होऊ शकतात. वेबकॅमद्वारे विविध योजनांची कामे जलद होतील. लॅपटॉपमुळे पेनड्राइव्हच्या माध्यमातून डेटा हस्तांतरण त्वरित होईल. या सुविधा देणाऱ्या लॅपटॉपऐवजी निकृष्ट दर्जाचे टॅब पुरवले जाणार असल्यास सहायक कृषी अधिकारी ते स्वीकारणार नाहीत. तसेच, ऑनलाइन कामकाजाच्या विरोधात प्रभावी आंदोलन छेडण्याचा निर्णय आम्हाला नाइलाजास्तव घ्यावा लागेल, असा स्पष्ट इशारादेखील संघटनेने दिला आहे..नसलेल्या खरेदीवर शंका नकोकृषी आयुक्तालयातील एका वरिष्ठ अधिकाऱ्याने सांगितले की, कृषी अधिकाऱ्यांना लॅपटॉप पुरविणार की टॅब हे अद्याप स्पष्ट झालेले नाही. मुळात लॅपटॉप सोडून अन्य काही खरेदी करण्याच्या हालचाली अद्याप तरी झालेल्या नाहीत. त्यामुळे न होणाऱ्या खरेदीवर शंका उपस्थित करणे अयोग्य आहे. मात्र, हा विषय आयुक्तालय नव्हे; तर मंत्रालयाच्या पातळीवर हाताळला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
