Sugarcane Price Protest: राज्यातील साखर हंगाम १ नोव्हेंबरपासून सुरु होत आहे. त्याआधी कोल्हापूर जिल्ह्यातील कारखान्यांकडून ऊसदर जाहीर केले जात आहेत. काही कारखान्यांनी प्रतिटन ३,४०० ते ३,४५० रुपयांदरम्यान दर जाहीर केले आहेत. यावरुन आता स्वाभिमानी शेतकरी संघटनेचे संस्थापक राजू शेट्टी यांनी शेतकऱ्यांना संघटित होण्याची हाक दिली आहे. यामुळे पुढील काही दिवसांत कोल्हापूर, सांगली ऊस पट्ट्यात ऊसदर आंदोलन तीव्र होण्याची शक्यता आहे. .ऊसदर जाहीर न करणाऱ्या कारखान्यांची वाहतूक स्वाभिमानी शेतकरी संघटनेकडून रोखली जात आहे. गेल्या चार दिवसांपासून ठिकाठिकाणी आंदोलन सुरु आहेत. आता कारखान्यांनी जाहीर केलेल्या दरावरुन राजू शेट्टी यांनी एक्सवर एक पोस्ट केली आहे. ''सर्वपक्षीय साखर कारखानदार संघटित होऊन ३,४०० ते ३,४५० रुपये दर देत आहेत. शेतकऱ्यांनो आपण ३,७५१ रुपयांची मागणी केली आहे. आता आपण संघटित होऊया,'' असे आवाहन शेट्टी यांनी केले आहे. .Sugarcane Price Hike: उत्तर प्रदेश देणार टनास ४००० रुपये.बिद्री (ता. कागल) येथील श्री दूधगंगा वेदगंगा सहकारी साखर कारखान्याने प्रतिटन ३,४५२ रुपये विनाकपात पहिली उचल देण्याचा निर्णय बुधवारी (दि. २९) जाहीर केला. तर त्याआधी बेलेवाडी काळम्मा (ता. कागल) येथील सरसेनापती संताजी घोरपडे साखर कारखान्याने प्रतिटनाला विनाकपात ३,४०० रुपये दर देण्याचा जाहीर केला होता. शिरोळ तालुक्यातील श्री दत्त शेतकरी सहकारी साखर कारखान्याने विनाकपात ३,४०० रुपये दर जाहीर केला आहे. अद्याप एकाही कारखान्याने ३,५०० रुपयांवर जाहीर केलेला नाही..Bidri Karkhana Sugarcane Price: 'बिद्री'च्या ऊसदराची उत्सुकता संपली! यंदाही उच्चांकी दर जाहीर.दरम्यान, 'स्वाभिमानी'ची यंदाच्या गाळप हंगामातील तुटणाऱ्या उसाला प्रतिटन ३,७५१ रूपये विनाकपात एकरकमी पहिली उचल देण्याची मागणी आहे. या मागणीवर कारखानदारांनी १० नोव्हेंबरपर्यंत विचार करावा. अन्यथा आम्ही ११ तारखेनंतर आंदोलनासाठी रस्त्यावर उतरू, असा इशारा राजू शेट्टी यांनी ऊस परिषदेतून दिला होता. पण एवढा दर अद्याप कोणीही जाहीर केलेला नाही..उलट कारखानदार संघटित होऊन ऊसदर जाहीर करत असल्याची शंका शेट्टी यांनी व्यक्त केली आहे. त्यासाठी आता शेतकऱ्यांनी एकत्र यायला हवे, असे आवाहन त्यांनी केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
