Parbhani News: राज्याचा यंदाचा अर्थसंकल्प शेतकरी हिताचा नसून शेतकऱ्यांना मारक असल्याचे नमूद करत स्वाभिमानी शेतकरी संघटनेतर्फे परभणी येथे सोमवारी (ता.९) मुख्यमंत्री देवेंद्र फडणवीस यांनी सादर केलेल्या अर्थसंकल्पाची होळी करण्यात आली..विधानसभा निवडणुकीपूर्वी राज्यातील शेतकऱ्यांचा संपूर्ण ७/१२ कोरा करण्याचे आश्वासन देणारे अर्थ संकल्प सादर करताना फक्त २ लाख रुपयांपर्यंत कर्जमाफी करण्यात येईल, असे सरकारने जाहीर केले. त्यासाठी सुद्धा पात्र व अपात्रचे निकष लावले जाणार आहेत. .Swabhimani Shetkari Sanghatana protest : ऊसदरासाठी ‘स्वाभिमानी’चे एक जुलैपासून आंदोलन.नियमित कर्ज परतफेड करणाऱ्या शेतकऱ्यांना फक्त ५० हजार रुपये देण्याचे जाहीर केले. ही तुटपुंजी मदत आहे. मराठवाड्यात शेतकऱ्यांच्या वाढत चाललेल्या शेतकरी आत्महत्या रोखण्यासाठी यात काहीच तरतूद करण्यात आली नाही. भारतीय जनता पक्ष सरकारने गेल्या १५ वर्षांपासून सातत्याने शेतीमालाचे भाव पाडले आहेत. .Swabhimani Shetkari Sanghtana Protest: बेदाणा आयातप्रकरणी स्वाभिमानी संघटनेचा मोर्चा.त्यात सोयाबीन, कापूस, तूर, हरभरा, मका यांसारखी पिके आहेत. केंद्र सरकार हमीभाव जाहीर करत तो सुद्धा पिकांचा उत्पादन खर्च भरून काढत नाही. केंद्र सरकारने जाहीर केलेला हमीभाव शेतकऱ्यांना कधीच मिळत नाही. हमीभावापेक्षा एक ते दीड हजार रुपये कमी दराने शेतीमाल विकावा लागत आहे. .मराठवाड्यात सर्वांत जास्त शेतकरी आत्महत्या होत आहेत. त्यामुळेच विधानसभा निवडणुकीत मुख्यमंत्री फडणवीसांनी शेतकऱ्यांचा आम्ही संपूर्ण ७/१२ कोरा करतो म्हणणारे आज फक्त पात्र शेतकऱ्यांना २ लाख रुपयांची कर्जमाफी देतो म्हणत आहेत. त्यामुळे राज्याच्या अर्थसंकल्पाची स्वाभिमानी संघटनेकडून होळी करण्यात आली..या वेळी स्वाभिमानी शेतकरी संघटनेचे मराठवाडा अध्यक्ष किशोर ढगे, पी. टी. निर्वळ, सय्यद कलीम कोककर, मुंजाभाऊ लोडे, आदिनाथ लवंदे, हनुमान आमले, किशन शिंदे, विठ्ठल चोखट, गजानन ढगे, लक्ष्मण चव्हाण आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
