Buldana News : शेती जिवंत ठेवण्यासाठी व मातीची सुपीकता वाढविण्यासाठी विशेष प्रयत्न करणे आवश्यक आहे. पिकांची फेरपालट, हिरवळीच्या खतांचा वापर करून सेंद्रिय कर्ब वाढविणे, शेतीपूरक दुग्धव्यवसाय, जमिनीतील उपयुक्त सूक्ष्मजीवांची संख्या वाढेल. जेणेकरून पर्यावरणाचा ऱ्हास होणार नाही व शेती क्षेत्राला चांगले दिवस येतील..तसेच विद्यापीठ निर्मित जैविक निविष्ठांच्या वापराने शेतीमध्ये पीक व्यवस्थापनासाठी एकात्मिक पद्धतीचा अवलंब करता येतो, असे मत केव्हीकेचे वरिष्ठ शास्त्रज्ञ तथा प्रमुख डॉ. अमोल झापे यांनी व्यक्त केले. बुलडाणा कृषी विज्ञान केंद्राद्वारे मंगळवारी (ता. १४) शेतकरी-शास्त्रज्ञ मंचाची ३३ वी सभा मौजे पोखरी येथे दत्तात्रय टेकाळे यांच्या शेतात आयोजित करण्यात आली होती. यावेळी ते बोलत होते..Soil Testing : गावातच होणार शेताच्या मातीची परीक्षा.सभेला शिक्षण विस्तार विषय विशेषज्ञ डॉ. जगदीश वाडकर, पशुसंवर्धन व दुग्धशास्त्र विषय विशेषज्ञ डॉ. नरेंद्रकुमार देशमुख, कृषी हवामान तज्ञ मनेश यदुलवार, कृषी संशोधन केंद्राचे प्रमुख डॉ. दिनेश कानवडे, तसेच प्रमुख मार्गदर्शक म्हणून पशुसंवर्धन अधिकारी डॉ.गजानन जाधव, आत्मा प्रकल्प उपसंचालक दीपक बुटे, तालुका तंत्रज्ञान व्यवस्थापक गजानन इंगळे, उपकृषी अधिकारी संदीप अंभोरे, कु. बोर्डे, कु. शेळके, पोकरा प्रकल्पाचे कृषी सल्लागार सोहम बेलोकार तसेच केव्हीकेच्या शेतकरी शास्त्रज्ञ मंचाचे अध्यक्ष विजय भुतेकर, कृषी संशोधन केंद्राच्या शेतकरी- शास्त्रज्ञ मंचाचे अध्यक्ष स्वप्नील महाजन उपस्थित होते.श्री. यदुलवार यांनी शेतकरी शास्त्रज्ञ मंचाची शेती विकासातील भूमिका विशद केली..Soil Testing: मातीपरीक्षणातून रब्बीसाठी खतांचे करा नियोजन.पशुसंवर्धन अधिकारी डॉ. जाधव यांनी पशुसंवर्धन व दुग्धव्यवसाय यामध्ये आवश्यक असणाऱ्या लसीकरणाची विस्तृतपणे माहिती दिली. डॉ. देशमुख यांनी चारा पीक लागवड तंत्रज्ञान, दुधाळ जनावरांचे आहार व्यवस्थापन, पशुखाद्य तसेच जास्त दूध उत्पादन देणाऱ्या गायी-म्हशीच्या जातीविषयी सखोल मार्गदर्शन केले. श्री.बुटे यांनी परंपरागत कृषी विकास योजनेची माहिती सांगितली व सेंद्रिय शेतीचे महत्त्व विशद केले. यावेळी दत्तात्रय टेकाळे यांच्या डेअरी युनिटला भेट दिली..सूत्रसंचालन पंजाबराव टेकाळे यांनी केले तर आभार दत्तात्रय टेकाळे यांनी मानले. कार्यक्रमासाठी दत्तात्रय टेकाळे, संदीप टेकाळे, विजय टेकाळे, अरुण टेकाळे, प्रशांत औतकर, महेश सावळे आदींनी परिश्रम घेतले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.