Nagpur Agriculture News: सावनेर तालुक्यातील धापेवाडा येथील निर्मलदीप कृषी सेवा केंद्रात अनुदानित युरिया खताच्या अवैध विक्रीचा प्रकार उघडकीस आला असून, या प्रकरणी संचालकाविरुद्ध सावनेर पोलिस ठाण्यात गुन्हा दाखल करण्यात आला आहे. एकूण १२० पोती (५.४० टन) युरियाची हेराफेरी झाल्याचे प्राथमिक तपासात स्पष्ट झाले आहे..तालुका गुणवत्ता नियंत्रण निरीक्षक प्रशांत राऊत (कळमेश्वर) यांनी दिलेल्या माहितीनुसार, शासनाच्या ‘टॉप-२०’ पोर्टलवर प्रज्वल बंड (रा. आदासा), गणेश पारसे व मिलिंद रोहनकर (दोघे रा. धापेवाडा खुर्द) या तिघा शेतकऱ्यांनी प्रत्येकी ४० पोती अनुदानित युरिया खरेदी केल्याची नोंद आढळली..Urea Production: भारत- रशियाचा संयुक्त युरिया उत्पादन प्रकल्प दोन वर्षांत पूर्ण होणार, वार्षिक २० लाख टन क्षमता.इतक्या मोठ्या प्रमाणावर युरियाची खरेदी झाल्याने गुण नियंत्रण विभागाने याची तत्काळ दाखल घेतली. त्यानंतर थेट शेतकऱ्यांच्या बांधावर जात चौकशी केली असता, संबंधित तिघांनी एकही पोते खरेदी केले नसल्याचे स्पष्टपणे सांगितले. एवढ्या मोठ्या प्रमाणात युरियाची गरज नसल्याचेही त्यांनी नमूद केले. सोबतच काही शेतकऱ्यांनी तर इतक्या मोठ्या प्रमाणावर युरिया खरेदी करण्यासाठी जवळ पैसे नसल्याचे स्पष्ट केले..Urea Bag Size Reduction: युरियाची गोणी ४५ ऐवजी ३० किलोची करा; कृषिमंत्र्यांची केंद्राकडे मागणी.शेतकऱ्यांचे जवाब नोंदविल्यानंतर संबंधित कृषी सेवा केंद्राचे साठा रजिस्टर व बिलबुक याची पडताळणी करण्यात आली. या शेतकऱ्यांच्या नावावर विक्रीची कोणतीही नोंद अथवा पुरावा आढळला नाही. त्यामुळे अनुदानित खत विक्री प्रणालीत गंभीर अनियमितता आढळून आली..त्या आधारे तालुका गुणनियंत्रण अधिकारी प्रशांत राऊत यांनी दिलेल्या तक्रारीवरून अत्यावश्यक वस्तू अधिनियम १९५५ मधील कलम ३(२)(डी) व कलम ७ अन्वये श्रद्धा दिलीप धोटे (संचालक, निर्मलदीप कृषी सेवा केंद्र) यांच्या विरोधात गुन्हा नोंद करण्यात आला. दरम्यान, या घटनेमुळे परिसरात खळबळ उडाली असून, खत वितरण व्यवस्थेतील पारदर्शकतेचा प्रश्न पुन्हा ऐरणीवर आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
