Jalgaon News: केंद्राने पंतप्रधान सूर्यघर मोफत वीज योजना घरोघरी पोहोचविण्याची योजना आणली असून, त्यासाठी घरोघरी सर्वेक्षण झाले. त्याची जबाबदारी टपाल विभागाला दिली होती. परंतु घरोघरी याबाबत सर्व्हेक्षण झालेले नसल्याचा मुद्दा ग्रामस्थ, नागरिक उपस्थित करीत आहेत. .पीएम सूर्यघर अॅपद्वारे इच्छुक लाभार्थींची नोंदणी केली जाते. त्यासाठी ग्रामीण डाकसेवक व पोस्टमन यांची मदत घेतली जाणार आहे. या कर्मचाऱ्यांची संख्या जिल्ह्यात ५५६ एवढी आहे. त्यात प्रत्येक कर्मचाऱ्यास किमान ६० घरांचे सर्व्हेक्षण करायचे होते. परंतु यासंबंधी कार्यवाही झालेली नसल्याची माहिती आहे..PM Surya Ghar Yojana: प्रधानमंत्री सूर्यघर वीज योजनेने महाराष्ट्रात गाठला नवा टप्पा; लातूर परिमंडळ आघाडीवर.एका कुटुंबास कमाल दोन किलोवॉटपर्यंत वीज निर्मितीसंबंधी यंत्रसामग्री दिली जाते. ३० हजार रुपयांपर्यंतचे अनुदान एक किलोवॉट सौरऊर्जा निर्मितीसंबंधी दिले जाते. ग्राहक वापरत असलेल्या विजेची माहिती संकलित करण्याचे निर्देश होते..PM Suryaghar Yojana: ‘सूर्यघर’चा साडेपंधरा हजार ग्राहकांनी घेतला लाभ.वीजबिले तपासून व तांत्रिक माहिती घेऊन एका घरावर किती क्षमतेचा सौरवीज निर्मिती प्रकल्प बसविता येईल, याची नोंदणी करायची होती. परंतु या योजनेत सहभागाबाबत नागरिकांना वीज कंपनीच्या कार्यालयात जावे लागत आहे. कारण कुणीही घरी सर्वेक्षणाला आलेले नाही. अनेक जण सौरयंत्रणा पुरवठादार, एजंटची मदत घेऊन या योजनेत सहभागी होत असून, त्यासाठी पैसेही अधिक लागत आहेत....अशी आहे योजनाया योजनेतील सौर वीजनिर्मिती संच भाड्याच्या घरात किंवा रिकाम्या (मोकळ्या) जागेतही उभारता येणार आहे. एका किलोवॉटच्या वीज निर्मितीसाठी किमान आठ ते १० चौरस मीटर जागा किंवा क्षेत्र आवश्यक असणार आहे. एक सौर ऊर्जा निर्मिती संच सुमारे २५ वर्षे कार्यरत असणार आहे. जळगाव जिल्ह्यात ३३ हजारांवर कुटुंबांना या योजनेतून लाभ दिला जाईल, अशी माहिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
