Parbhani News: येलदरी धरणावरील प्रस्तावित उपसा सिंचन योजनेसाठी पूर्णा पाटबंधारे विभागातर्फे सर्वेक्षण करण्यात येत आहे. या योजनेमुळे जिंतूर तालुक्यातील १० हजार एकर जमीन सिंचनाखाली येईल..पालकमंत्री मेघना साकोरे- बोर्डीकर यांनी जिंतूर तालुक्यातील अवर्षण भागातील तसेच सिंचनाच्या अल्प सोयी असलेल्या गावातील शेतकरी,लघु उद्योजकांची मागील ५० वर्षांची मागणी लक्षात घेत येलदरी धरणावरून उपसा करून पाणी आण्यासाठी शासनाकडे सातत्याने पाठपुरावा केला..Marathwada Irrigation: मराठवाड्यातील सिंचनाचा अनुशेष दूर करणार; मुख्यमंत्री .जिंतूर तालुक्यातील केहाळ, सावंगी म्हाळसा, हिवरखेडा, जोगीतांडा, सावळी, घडोळी, घेवडा, मांडवा, इटोली, चारठाणा, भोसी, शेवडी, वाघी धानोरा, आडगाव बाजार, वस्सा, करंजी, कुऱ्हाडी, दहेगाव, कावी, बोरगीवाडी, ब्राम्हणगाव आदी या गावांसाठी येलदरी धरणातून उपसा योजनेद्वारे सिंचनाचा लाभ मिळावा यासाठी मागणी करण्यात आली आहे..पालकमंत्री साकोरे-बोर्डीकर यांनी यंदाच्या सप्टेंबर महिन्यात जलसंपदा मंत्री राधाकृष्ण विखे पाटील यांच्यासोबत छत्रपती संभाजीनगर येथील बैठकीत उपसा योजनेसाठी आवश्यक पाणीसाठा उपलब्ध करून देण्यासाठी प्रस्ताव शासनास पाठविण्याबाबत सकारात्मक चर्चा झाली..Agriculture Irrigation: रब्बीसाठी प्रकल्पांतून मिळणार पाणी .आदेशानुसार शासन स्तरावरून एजन्सी नेमून सर्वे करण्यात येत आहे. त्यानुसार या गावांचे धरणापासून असलेले अंतर, सध्या अस्तित्वातील सिंचन सुविधा व उपसासिंचन योजनेच्या व्यवहारीतानुसार प्रस्ताव सादर करण्यासाठी पूर्णा पाटबंधारे विभागामार्फत सर्वेक्षण करण्यात येत आहे..प्रकल्प अधिकारी गावांनी भेटी देऊन प्राथमिक माहिती संकलित करून त्यानुसार सविस्तर सर्वेक्षण व पाण्याची उपलब्धता याबाबत लवकरच अहवाल सादर करण्यात येणार आहे. जलसंपदा मंत्री विखे पाटील यांच्यासोबत झालेल्या सकारात्मक चर्चेनंतर सेलू व मानवत तालुक्यातील ५४ गावांचा पाण्याचा प्रश्न मार्गी लागणार आहे. जिंतूर तालुक्यातील गावांना पूर्णा प्रकल्पातून पाणी देण्यासाठीही महत्त्वपूर्ण चर्चा झाली. या दोन्ही मागण्यांची पूर्तता व्हावी यासाठी आपण प्रयत्नशील आहोत, अशी माहिती पालकमंत्री बोर्डीकर-साकोरे यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
