Chhatrapati Sambhajinagar News: घाटनांद्रासह परिसरात यंदा सूर्यफुलाची शेती चांगलीच बहरली आहे. सुमारे ४० ते ५० हेक्टर क्षेत्रावर सूर्यफुलाचा पेरा करण्यात आला आहे. मागील वर्षीच्या तुलनेत यावर्षी सूर्यफुलाच्या लागवडीत थोड्याफार प्रमाणात वाढ झाली असून कमी कालावधीत उत्पादन मिळत, असल्याने शेतकरी मोठ्या प्रमाणात सूर्यफुलाच्या लागवडीकडे वळताना दिसत आहेत..या भागातील हवामान व जमिनीचा प्रकार सूर्यफुलाच्या पिकासाठी पोषक ठरत असल्याने पिकाची वाढही सध्या समाधानकारक झाली आहे. शेतात डोलणारी पिवळ्याधमक सूर्यफुलांची फुले सध्या शेतपरिसराचे सौंदर्य वाढवत आहेत. सूर्यफुलाच्या पिकासाठी पाण्याची गरज तुलनेने कमी असते. तसेच हे पीक साधारण ९० ते १०० दिवसांत तयार होत असल्याने कमी वेळात चांगले उत्पन्न मिळते. .Sunflower Farming: कमी कालावधीच्या सूर्यफूल वाण पेरणीस पसंती.खत आणि औषधांचे योग्य नियोजन केल्यास उत्पादन वाढते. मजूर कमी लागतात, आणि विशेष म्हणजे काढणी सोपी होते. त्यामुळे इतर पिकांच्या तुलनेत सूर्यफुलाकडे शेतकऱ्यांचा कल जास्त प्रमाणात वाढत आहे. सध्या बाजारात सूर्यफूल प्रति क्विंटल सुमारे सहा हजार रुपये दराने खरेदी केली जात असल्याचे येथील व्यापारी बंडू ज्ञाने यांनी सांगितले. शेतकरी गणेश मोरे, बापू मोरे, भगवान नवघरे, दिलीप मोरे यांच्यासह अनेक शेतकऱ्यांनी यंदा सूर्यफुलाची लागवड केली आहे. येत्या हंगामात सूर्यफुलाच्या लागवडीचे क्षेत्र आणखी वाढण्याची शक्यता व्यक्त केली जात आहे..Sunflower Farming: खानदेशात सूर्यफुलाची पेरणी सुरू.सूर्यफुलाची लागवड केल्यास कमी कालावधीत पीक तयार होते. त्यामुळे शेतकऱ्यांना आर्थिक फायदा होतो. या वर्षी पिकाची वाढही चांगली झाली असून उत्पादन चांगले मिळेल अशी आशा आहे.- बापू मोरे, शेतकरी.घाटनांद्रा परिसरात यावर्षी चाळीस ते पन्नास हेक्टरवर सूर्यफुलाची लागवड केली आहे. माती व हवामान सूर्यफुलाच्या पिकासाठी अनुकूल आहे. योग्य व्यवस्थापन व वेळेवर फवारणी केल्यास शेतकऱ्यांना चांगले उत्पादन मिळू शकते.- महेश चाथे, कृषी सहाय्यक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
