Sunetra Pawar Elected NCP Legislative Party Leader: उपमुख्यमंत्री अजित पवार यांच्या निधनानंतर राष्ट्रवादी काँग्रेस पक्षाच्या विधिमंडळ गटनेतेपदी सुनेत्रा पवार यांची एकमताने निवड करण्यात आली. राष्ट्रवादी विधिमंडळ पक्षाच्या बैठकीत हा निर्णय घेण्यात आला. सुनेत्रा पवार यांनी राज्यसभेच्या खासदारकीचा राजीनामा दिला आहे. त्या आज सायंकाळी ५.३० वाजता उपमुख्यमंत्रीपदाची शपथ घेतील. त्या राज्याच्या पहिल्या महिला उपमुख्यमंत्री असणार आहेत. राष्ट्रवादी विधिमंडळ पक्षाच्या बैठकीत राष्ट्रवादी काँग्रेसचे प्रदेशाध्यक्ष सुनील तटकरे, प्रफुल्ल पटेल, छगन भुजबळ यांच्यासह प्रमुख नेते उपस्थित होते..अजितदादांचे विमान अपघातात निधन झाल्यानंतर त्यांच्या जागी उपमुख्यमंत्री कोण होणार? अशी चर्चा सुरु होती. आता उपमुख्यमंत्रीपदी अजितदादांच्या पत्नी सुनेत्रा पवार शपथ घेणार आहेत. सुनेत्रा पवार यांच्या गटनेतेपदी निवडीचे पत्र राष्ट्रवादीकडून मुख्यमंत्री देवेंद्र फडणवीस यांना देण्यात आले आहे. .या बैठकीआधी देवगिरी बंगल्यावर पक्षाच्या प्रमुख नेत्यांची बैठक पार पडली. त्यानंतर बोलताना सुनील तटकरे यांनी म्हटले की, राष्ट्रवादी विधिमंडळ पक्षाच्या बैठकीत जनतेची भावना लक्षात घेता गटनेतेपदी सुनेत्रा पवार वहिनी यांची निवड होईल. त्यानंतर विधिमंडळ राष्ट्रवादी पक्षाचे अधिकृत पत्र प्रदेशाध्यक्ष म्हणून ते देण्यासाठी आम्ही वरिष्ठ सहकारी मुख्यमंत्र्यांची भेट घेऊ. त्यानंतर मुख्यमंत्री निर्णय घेतील..Sharad Pawar: दोन्ही राष्ट्रवादी एकत्र येण्याची अजितदादांची इच्छा होती ती पूर्ण व्हावी- शरद पवार .''अजितदादा हे आमच्यात नाहीत, हे दुःख आम्ही पचवू शकत नाही. त्यांचा अस्थिकलश संपूर्ण महाराष्ट्रात प्रत्येक तालुक्यात खेड्यापाड्यांमध्ये नजीकच्या कालावधीत नेणार आहोत. महाराष्ट्राला आपला मानून महाराष्ट्राला गतिमान, विकासाभिमुख करण्यासाठी झपाटल्यासारखे काम करत दादांनी महाराष्ट्राला सेवा दिली. त्यासाठी त्यांचा अस्थिकलश संपूर्ण महाराष्ट्रात नेला जाईल.'' असे तटकरे यांनी सांगितले..Ajit Pawar Passes Away: ग्रामीण महाराष्ट्राचा दोर तुटला .'त्या' व्हिडिओवर तटकरे काय म्हणाले?दरम्यान, दोन्ही राष्ट्रवादीच्या एकत्र बैठकीचा एक व्हिडिओ व्हायरल झाला आहे. त्यावर तटकरे यांनी मोठा खुलासा केला आहे. ज्यावेळी बारामतीत कृषी प्रदर्शन झाले. त्याचवेळी चहापानाची बैठक झाली. त्यानंतर अजितदादांनी पत्रकार परिषदेत, त्या बैठकीत स्थानिक स्वराज्य संस्थांच्या निवडणुकीबाबत चर्चा झाल्याचा खुलासा केला होता, असे तटकरे यांनी स्पष्ट केले..गृहिणी ते उपमुख्यमंत्रीसुनेत्रा पवार यांची लोकसभा निवडणुकीत सक्रिया भूमिका दिसून आली. पण २०२४ मधील लोकसभा निवडणूक त्यांनी सुप्रिया सुळे यांच्या विरोधात लढवली होती. यात त्यांना पराभवाला सामोरे जावे लागले. त्यानंतर त्या राज्यसभेवर खासदार म्हणून निवडून गेल्या. सुनेत्रा पवार ह्या धाराशिव जिल्ह्यातील राष्ट्रवादीचे नेते पद्मसिंह पाटील यांच्या बहीण आहेत. त्या १९८० मध्ये अजित पवार यांच्याशी लग्न होऊन बारामतीला आल्या. अजित पवार राजकारणात सक्रिय राहिले. पण सुनेत्रा पवार सुरुवातीचे काही दिवस राजकारणापासून दूर राहिल्या. पण त्यांनी काटेवाडीतून सामाजिक कार्याची सुरुवात केली. त्या निर्मलग्राम आणि ग्राम स्वच्छता अभियानाशी जोडल्या गेल्या. अजित पवार यांच्या निधनानंतर रिक्त झालेल्या उपमुख्यमंत्रीपदाची जबाबदारी त्या घेत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
