Kolhapur Sugarcane Crushing Season 2026: स्वाभिमानी शेतकरी संघटनेच्या ६१ तासांच्या चक्काजाम आंदोलनानंतर अखेर कोल्हापुरातील ऊसदराची कोंडी फुटली. पहिली उचल ३,९०० रुपये, गाळप हंगाम संपताना १०० रुपये आणि पुढचा हंगाम सुरु होण्यापूर्वी २०० रुपये असा मिळून प्रतिटन ४,२०० रुपयांवर तोडगा निघाला. .त्यानंतर मध्यरात्री एक वाजता राजू शेट्टी यांनी पुणे-बंगळूर महामार्गावरील किणी टोलनाक्यावरील आंदोलन स्थगित केले. तसेच आज शुक्रवारचा (दि. ६ नोव्हेंबर) कोल्हापूर, सांगली, सातारा जिल्हा बंदचा निर्णयही मागे घेतला. यामुळे तीन दिवसानंतर महामार्ग वाहतुकीसाठी मोकळा झाला. .Sugarcane Price Protest: ऊसदराच्या आंदोलनाचा तिसरा दिवस, राजू शेट्टी आक्रमक, उद्या सांगली, कोल्हापूर, सातारा जिल्हा बंदची हाक.उसाला पहिली उचल ४,५०० रुपये मिळाल्याशिवाय महामार्ग सुरू होऊ देणार नाही, अशी आक्रमक भूमिका राजू शेट्टी यांनी घेतली होती. या मागणीसाठी त्यांच्या नेतृत्त्वाखाली स्वाभिमानी शेतकरी संघटनेचे ३ नोव्हेंबरपासून पुणे- बंगळूर महामार्गावरील किणी टोलनाक्यावर आंदोलन सुरु होते. सातारा जिल्ह्यातील नागठाणे येथेही स्वाभिमानी शेतकरी संघटनेने महामार्ग रोखून धरला. यामुळे महामार्गावरील वाहतूक पूर्णपणे ठप्प झाली होती. वाहनांच्या लांबच लांब रांगल्या. यामुळे ऐन दिवाळीत एसटीची वाहतूक सेवाही कोलमडली. कोल्हापुरातून पुणे-मुंबईकडे जाणाऱ्या तब्बल १६६ एसटी बस फेऱ्या रद्द करण्यात आल्या. पण अखेर हे आंदोलन थांबले आहे. .Sugarcane Crushing Report: साखर कारखान्यांकडून आतापर्यंत २० लाख ३४ हजार टन उसाचे गाळप.याबाबत माहिती देताना राजू शेट्टी यांनी सांगितले की, कारखानदारांचा ३,८०० रुपये अधिक २०० रुपये असा प्रस्ताव होता. पण आम्ही ४,५०० रुपयांवरून मागे येऊन ४,२०० रुपयांवर तोडगा काढण्याची तयारी दर्शवली. कारखानदारांनी पैशाची उपलब्धता म्हणून लगेच पहिली उचल म्हणून ३,९०० रुपये आणि हंगाम संपताना १०० रुपये आणि पुढचा हंगाम सुरु होण्यापूर्वी २०० रुपये अशी आमची ४,२०० रुपयांची मागणी मान्य केली. हा तोडगा साखरेचा दर प्रतिक्विंटल ४,५०० रुपये गृहित धरून काढण्यात आला आहे. जर साखरेचा दर ४,५०० रुपयांच्या वर वाढला तर अतिरिक्त साखरेचा येणारा पैसा त्यात ७० टक्के शेतकऱ्याचा हिस्सा आणि ३० टक्के कारखान्याचा हिस्सा असा निर्णय झाला आहे..'कोल्हापूरमधील ऊसदराचा पॅटर्न सांगली, साताऱ्यात राबवावा'यामुळे आंदोलन स्थगित करण्यात आले आहे. हा कोल्हापूरमधील ऊसदराचा पॅटर्न सांगली आणि साताऱ्यात राबवावा, असे आज सांगली आणि साताऱ्यातील बैठकीत ठरले होते. हा पॅटर्न संबंधित जिल्ह्याचे पालकमंत्री आणि जिल्हाधिकाऱ्यांनी राबवावा अन्यथा त्या जिल्ह्यांमध्ये आम्हाला स्वतंत्रपणे आंदोलन करावे लागेल, असा इशाराही शेट्टी यांनी दिला. .आज कोल्हापूर जिल्हाधिकारी कार्यालयात वैद्यकीय शिक्षणमंत्री हसन मुश्रीफ, माजी मंत्री प्रकाश आवाडे तसेच स्वाभिमानी शेतकरी संघटनेचे निवडक पदाधिकारी, जिल्हाधिकारी आणि साखर सहसंचालक यांच्या उपस्थितीत ऊसदराबाबत बैठक पार पडली. या बैठकीत चर्चेअंती मंत्री मुश्रीफ यांनी काही कारखानदारांशी फोनवर चर्चा करुन दराबाबत प्रस्ताव मांडला. पहिली उचल ३,९०० रुपये, गाळप हंगाम संपल्यानंतर १०० रुपये असे मिळून ४ हजार रुपये आणि साखरेचा दर वर्षभर ४,५०० रुपयांपेक्षा राहिल्यास २०० रुपये अतिरिक्त उचल दिली जाईल. साखरेचा दर अधिक राहिल्यास फॉम्युर्ला ठरल्याप्रमाणे पुढील ऊसदर दिला जाईल, असा हा प्रस्ताव होता, असे जिल्हाधिकारी कार्यालयाकडून सांगण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
