Kolhapur News: साखरेचे दर चांगले असल्याने जिल्ह्यातील कारखान्यांनी यंदाच्या उसासाठी जाहीर केलेला ३४०० रुपयांचा हप्ता आम्हाला मान्य नाही. कारखान्यांनी आम्हाला अपेक्षित दर द्यावा, अन्यथा आंदोलन तीव्र करण्याचा इशारा स्वाभिमानीचे संस्थापक राजू शेट्टी यांनी शिरोळ येथे सोमवारी (ता. ३) दिला. .गत हंगामातील उसाला प्रति टन २०० आणि चालू हंगामातील उसाला पहिली उचल ३८०० प्रतिटन विनाकपात मिळावेत, यासाठी स्वाभिमानी शेतकरी संघटना, आंदोलन अंकुश संघटनेसह इतर सर्वच संघटनांकडून छत्रपती शिवाजी महाराज चौकातून शिरोळ तहसीलदार कार्यालयावर मोर्चा काढण्यात आला. त्यावेळी ते बोलत होते..Sugarcane Protest: 'स्वाभिमानी'नं ऊस तोडी बंद पाडल्या, निपाणी- मुरगूड रस्त्यावर कर्नाटकातून येणारी वाहतूक रोखली.श्री. शेट्टी म्हणाले, की गेल्या वर्षी साखरेचे दर सातत्याने ३८०० च्या दरम्यान होते, यामुळे कारखान्यांना नफा झाला आहे. इकडे ऊस उत्पादक मात्र वाढता मशागत खर्च व नैसर्गिक आपत्तींनी त्रस्त झाला आहे. यामुळे ऊस शेती तोट्यात जात आहे. वाढीव रक्कम द्यावी, अन्यथा आंदोलन तीव्र करू..Sugarcane Price Dispute: अन्यथा मुख्यमंत्र्यांचे स्वागत ‘स्वाभिमानी’ स्टाईलने.या वेळी ऊसतोडणी, वाहतूक संदर्भात चर्चा न करता ऊसदर आंदोलन न मिटता, कारखानदारांकडून केली जाणारी दंडुकशाही, अरेरावी, मुजोरी हाणून पाडण्यासाठी तालुका न्याय दंडाधिकाऱ्यांना निवेदन देण्यात आले. तोडगा निघेपर्यंत ऊसतोड न घेण्याचा निर्धार करण्यात आला. धनाजी चुडमुंगे, उल्हास पाटील, दीपक पाटील मोर्चात सहभागी झाले होते..कोल्हापुरातील बैठकीत उशिरापर्यंत निर्णय नाहीसाखर दराबाबत तोडगा काढण्यासाठी विविध शेतकरी संघटनांचे प्रतिनिधी, कारखानदार यांच्यासह जिल्हाधिकारी अमोल येडगे, प्रादेशिक साखर सहसंचालक संगिता डोंगरे, पोलिस आयुक्त योगेशकुमार गुप्ता यांच्या प्रमुख उपस्थितीत सोमवारी (ता. ३) बैठक सुरू झाली. मात्र अनेक कारखान्यांचे अध्यक्ष उपस्थित नव्हते. यामुळे नाराजीचा सूर होता. जिल्ह्यातील ८ कारखान्यांची गेल्या वर्षीची एफआरपी शिल्लक असताना गाळप परवाने देण्यात आले आहेत, ते रद्द करावेत, अशी मागणी संघटनांनी लावून धरल्याने बैठकीत गोंधळ झाला..कारखाना प्रतिनिधींनी भूमिका जाहीर न केल्याने सायंकाळी सातपर्यंत निर्णय झाला नव्हता. अधिकाऱ्यांनी स्पष्ट भूमिका न घेतल्याने चर्चा लांबत गेली. स्वाभिमानी शेतकरी संघटनेचे राजू शेट्टी, ‘आंदोलन अंकुश’चे धनाजी चुडमुंगे, ‘जय शिवराय’चे शिवाजी माने, भगवान काटे, सावकार मादनाईक, जालिंदर पाटील आदींसह विविध संघटनांचे प्रतिनिधी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
