Sangli News: सांगली जिल्ह्यात डिसेंबरअखेर ६३ हजार ७४ हेक्टरवर उसाची लागवड झाली आहे. सुरू हंगामातील उसाच्या लागवडीस गती आली आहे. .जिल्ह्यात यंदाच्या हंगामात पूर्व आणि सुरू हंगामातील उसाच्या क्षेत्रात वाढ होण्याचा अंदाज साखर कारखानदांनी व्यक्त केला आहे. रोप लागणीकडे शेतकऱ्यांचा कल वाढला आहे. गतवर्षी अति पाऊस झाल्याने आडसाली हंगामातील उसाचे क्षेत्र कमी झाले होते. यंदा ऑक्टोबरअखेर पाऊस होता. त्याचा परिणाम आडसाली हंगामातील ऊस लागवडीवर झाला. .त्यामुळे सलग दुसऱ्या वर्षी अति पावसाचा फटका आडसाली हंगामातील ऊस लागवडीला बसला होता. त्यामुळे या काळात या हंगामातील ऊस लागवड संथगतीने सुरू होती. जिल्ह्यात गतवर्षी आडसाली हंगामात ४४ हजार ९१७ हेक्टरवर उसाचे क्षेत्र होते. तर २०२४-२५ मध्ये ४७ हजार ६३ हेक्टर इतके आडसाली हंगामातील उसाचे क्षेत्र होते. यंदाच्या हंगामात आडसाली उसाची ३५ हजार ९९७ हेक्टरवर लागवड झाली आहे..Sugarcane Cultivation: सिंचनात वाढ अन् ऊस लागवडीला आला भर.नोव्हेंबरनंतर पावसाने उघडीप दिल्याने शेतकऱ्यांना दिलासा मिळाला. त्यामुळे शेतकऱ्यांनी पूर्व हंगामातील ऊसलागवड करण्यासाठी नियोजन केले. या कालावधीत लागवडीला गती आली. पूर्व हंगामात २० हजार ६९७ हेक्टरवर लागवड झाली. .Sugarcane Cultivation: सांगली जिल्ह्यात ३३ हजार हेक्टरवर उसाची लागवड.सुरू हंगामातील उसलागवड सुरू झाली असून लागवडीस गती आली आहे. सुरू हंगामात ७१० हेक्टरवर लागवड झाली. वास्तविक, दुष्काळी भागातील जत, आटपाडी, कवठेमहांकाळ या तालुक्यांत प्रामुख्याने पूर्व आणि सुरू हंगामातील उसाची लागवड करतात..यंदा केळी, आले पिकाला अपेक्षित दर नाहीत. त्यामुळे केळी आणि आले पीक उत्पादक शेतकरी ऊस लागवडीकडे वळाले असल्याचे चित्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
