Beed News: माजलगाव व गेवराई तालुक्यांतील गोदावरी काठावर उसाचे क्षेत्र मोठ्या प्रमाणावर असून, सध्या या परिसरात ऊसतोड हंगामाला मोठी गती मिळाली आहे. मात्र, यंदा ऊसतोड मजुरांच्या टोळ्यांची भासणारी टंचाई आणि वाहनधारकांची होणारी फसवणूक टाळण्यासाठी कारखानदार व शेतकऱ्यांनी ऊसतोड यंत्रांच्या (हार्वेस्टर) साहाय्याने तोडीला प्राधान्य दिले आहे. यामुळे परिसरात यांत्रिक ऊसतोडीचा कल वाढला असल्याचे चित्र दिसत आहे..जमिनीचा पोत सुधारण्यास मदतमजुरांच्या माध्यमातून एक एकर ऊस तोडण्यासाठी सुमारे ३ ते ४ दिवस लागतात, तेच काम ऊसतोड यंत्राद्वारे केवळ ४ ते ५ तासांत पूर्ण होत आहे. यंत्रामुळे उसाचा पालापाचोळा शेतातच कुजतो, ज्याचा उपयोग खोडवा पिकासाठी सेंद्रिय खत म्हणून होतो. यामुळे खताचा खर्च कमी होऊन पीक जोमाने येते..Fodder Crisis: कोरडा चारा दुरापास्त; माळरानात उपलब्धता कमी.वेळेची बचत आणि उसाची त्वरित कारखान्याला होणारी पोहोच यामुळे शेतकऱ्यांमध्ये समाधानाचे वातावरण आहे. मात्र, यंत्रांचा वाढता वापर ऊसतोड मजुरांच्या रोजगारासाठी भविष्यात धोक्याची घंटा मानली जात आहे..Fodder Crisis : वणव्यांमुळे जनावरांच्या चाऱ्याचा प्रश्न गंभीर.दूध उत्पादनावर परिणामयांत्रिक ऊसतोडीमुळे शेतकऱ्यांचा फायदा होत असला, तरी पशुपालकांच्या अडचणीत मोठी वाढ झाली आहे. मजुरांकडून ऊसतोड होताना जनावरांना मिळणारा हिरवा चारा (वाढे) आता यंत्रामुळे उपलब्ध होत नाही.यंत्राद्वारे तोड झाल्यानंतर उसाचा पाला शेतातच बारीक करून टाकला जातो, त्यामुळे जनावरांच्या चाऱ्याचा प्रश्न ऐन हिवाळ्यात गंभीर बनला आहे. हिरव्या चाऱ्याच्या टंचाईमुळे दूध उत्पादनावरही परिणाम होत असून, पशुपालकांना महागडे पशुखाद्य विकत घ्यावे लागत आहे..पशुपालकाची व्यथाऊस तोडणीचा हंगाम सुरू असूनही जनावरांना हिरवा चारा मिळणे कठीण झाले आहे. चांगल्या चाऱ्याचे भाव गगनाला भिडले असून, महागडे पशुखाद्य घालून जनावरांचा सांभाळ करावा लागत आहे. अशा स्थितीत दूध व्यवसाय परवडत नाही, असे मत पशुपालक मोहन धायगुडे यांनी व्यक्त केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
