Sindhudurg News: ऊस गाळप हंगाम सुरू झाल्यानंतर तब्बल दीड महिन्यानंतर जिल्ह्यात तोडणी यंत्रणा कार्यान्वित झाली. जिल्ह्यात गेल्या चार-पाच दिवसांपासून दहा-बारा तोडणी यंत्रणांसह ऊसतोडणीला धीम्यागतीने प्रारंभ झाला. त्यामुळे यावर्षी देखील जिल्ह्यातील ऊसतोडणी लांबण्याची शक्यता आहे..जिल्ह्यातील अधिकतर ऊस असळज (ता. गगनबावडा, जि. कोल्हापूर) येथील डॉ. डी. वाय. पाटील साखर कारखान्याला गाळपाकरिता जातो. जिल्ह्यात साधारणपणे ११६० हेक्टर क्षेत्रावर ऊस लागवड आहे. या वर्षी कारखान्याचा गाळप हंगाम प्रारंभ २६ ऑक्टोबरपासून झाला. परंतु खऱ्या अर्थाने प्रत्यक्षात १ नोव्हेंबरपासून सुरुवात झाली. .Sugarcane Crushing Season: ऊस गाळपात खासगी कारखाने आघाडीवर.जिल्ह्यात लांबलेल्या पावसामुळे त्या वेळी या भागात ऊस वाहतूक करणे शक्य नव्हते. परंतु त्यामुळे कारखाना प्रशासनाने सुरुवातीला तोडणी यंत्रणा पाठविली नाही. ऊसतोडणीला पोषक स्थिती असताना देखील जिल्ह्यात तोडणी यंत्रणा आली नसल्याने ऊस उत्पादकांमध्ये काहीसे सभ्रंमाचे वातावरण होते. परंतु १७ डिसेंबरपासून जिल्ह्यात दहा-बारा तोडणी यंत्रणाच्या साहाय्याने धीम्यागतीने ऊसतोडणीला प्रारंभ झाला. जिल्ह्यात वैभववाडी, कणकवली, कुडाळ या तालुक्यांत उसाचे क्षेत्र अधिक आहे. कासार्डे गटात ५ तर वैभववाडी गटात ७ तोडणी यंत्रणा कार्यरत आहेत..Sugarcane Crushing Season: पाच जिल्ह्यांत १७ कारखाने सुरू.गाळप हंगाम सुरू झाल्यानंतर दीड महिन्यानंतर आता जिल्ह्यात तोडणी सुरू झाली. त्यामुळे यावर्षी देखील मार्च महिन्यापर्यंत तोडणी सुरू राहील, असा अदांज व्यक्त करण्यात येत आहे..सिंधुदुर्गात ऊसतोडणीला सुरुवात झाली असून सध्या १२ तोडणी यंत्रणा कार्यरत आहेत. गुरुवारपासून (ता. २५) जिल्ह्यात तोडणी यंत्रणा वाढणार आहेत. आतापर्यंत २ हजार टन उसाची तोडणी पूर्ण झाली आहे.- प्रकाश गुरव, पर्यवेक्षक, डॉ. डी. वाय. पाटील साखर कारखाना, असळज, ता. गगनबावडा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
