Sugarcane FRP Rate Demand: यंदाच्या हंगामात तुटणाऱ्या उसाला प्रति टन ५,५०० रुपये दर देण्याची मागणी स्वाभिमानी शेतकरी संघटनेचे नेते राजू शेट्टी यांनी केली. त्यांच्या या मागणीवर माजी सहकारमंत्री, राष्ट्रवादीचे ज्येष्ठ नेते दिलीप वळसे पाटील यांनी, 'पहिली उचल ५ हजार रुपये द्यायला तुमच्या काकाने ठेवलेत का?' असा सवाल केला. त्यावर राजू शेट्टी यांनी जोरदार प्रत्युत्तर दिले. 'उसाचा दर जाहीर न करता ऊस तोडायला ती काय तुमच्या बापाची पेंड आहे का?' अशा शब्दांत शेट्टी यांनी सुनावले आहे..केंद्र सरकारच्या सुचनेनुसार, यंदाचा ऊस गाळप हंगाम १५ ऑक्टोबरपासून सुरु करण्याचा निर्णय राज्य सरकारने घेतला आहे. पण यंदाचा गाळप हंगाम लवकर सुरु करण्यास शेतकरी संघटनांनी विरोध दर्शवला आहे. ऊस तुटल्यानंतर पहिली उचल ४,५०० रुपये, कारखाना बंद होत असताना ५०० रुपये आणि केंद्राकडून ५०० रुपये अनुदान मिळून टनामागे ५,५०० रुपये देण्याची मागणी शेट्टी यांनी ऊस परिषदेतून केली. जर गाळप हंगाम लवकर सुरु करायचा असेल तर शेतकऱ्यांना नुकसान भरपाई म्हणून प्रतिटन ५०० रुपये अनुदान द्यावेत, अशी मागणीही त्यांनी पुढे केली आहे. .Sugarcane FRP: उसाला ५ हजारांवर दर मिळाला तरच ऊस शेती परवडू शकते- राजू शेट्टी.त्यांच्या या मागणीवर दिलीप वळसे पाटील यांनी टीका केली आहे. ''साखरेचे भाव वाढल्यानंतर शेतकरी संघटनांनी मागणी केली आहे की पहिली उचल ५ हजार रुपये द्या. पण पाच हजार रुपये दर तुमच्या काकाने ठेवलाय का? एखादा कारखाना चालवायला घ्या आणि एवढा दर द्या. कारखाने बंद पाडायचे आहेत का?,'' असे सवाल वळसे पाटील यांनी केले. त्यांच्या या वक्तव्यावर राजू शेट्टी यांनी संताप व्यक्त केला..Sugar MSP: साखर 'एमएसपी' प्रश्नी दिल्लीतील बैठक निष्फळ, उद्यापासून महाराष्ट्र-कर्नाटकातील महामार्ग रोखणार, राजू शेट्टींचा इशारा.'तुम्ही अनेक वर्षे साखर संघाचे अध्यक्ष होता'''साखरेचा किमान विक्री दर (एमएसपी) ५० रूपये व इथेनॅालचा ७० रूपये दर करून आम्ही ५ हजार रूपये उसाचा दर मागितलाय. तुम्ही अनेक वर्षे साखर संघाचे अध्यक्ष म्हणून खुर्ची उबवली. तरीही गेल्या आठ वर्षांत साखरेची एमएसपी वाढली नाही. तेव्हा तुम्ही गोट्या खेळत होता काय?'' अशा शब्दांत शेट्टी यांनी हल्लाबोल केला आहे. .साखरेची एमएसपी प्रति किलो ५० रुपये करावी. तसेच इथेनॉलचा दर प्रति लिटर ७० रुपयांपर्यंत वाढवावा, या प्रमुख दोन मागण्या महाराष्ट्र आणि कर्नाटकातील शेतकरी संघटनांनी केंद्र सरकारपुढे ठेवल्या आहेत. पण या मागण्यांवर अद्याप तोडगा निघालेला नाही. यामुळे शेतकरी संघटनांनी महामार्ग रोखून धरून आंदोलनास सुरुवात केली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
