Sugarcane Farmers FRP Demand: साखरेचा किमान विक्री दर (एमएसपी) प्रति किलो ५० रुपये करावा. यामुळे पुढच्या वर्षी तुटणाऱ्या उसाला प्रति टन ५ हजारांवर आपोआप एफआरपी मिळेल. तसेच यावर्षी उसाला ५ हजारांपेक्षा जास्त दर मिळाला तरच ऊस उत्पादक शेतकऱ्याला ऊस शेती परवडू शकते, असे मत स्वाभिमानी शेतकरी संघटनेचे संस्थापक राजू शेट्टी यांनी व्यक्त केले आहे. त्यांनी आज (दि. ३ ऑक्टोबर) फेसबुक लाईव्हद्वारे ऊस उत्पादक शेतकरी, साखर उद्योग आणि केंद्र सरकारचे धोरण यावर भाष्य केले..देशभरात ऊस उत्पादन, ऊस क्षेत्र घटताना दिसत आहे. यावर्षी दुष्काळ पडला आहे. यामुळे उत्पादनात आणखी घट होऊ शकते, असा अंदाज त्यांनी मांडला. ऊस आंदोलन केवळ महाराष्ट्र, कर्नाटकात होत आहे असे नाही. उत्तर प्रदेशच्या शेतकऱ्यांची प्रति क्विंटल ६०० रुपये म्हणजेच प्रति टन ६ हजार रुपये दराची मागणी आहे. आपल्या मागणीप्रमाणे उत्तर प्रदेशातील शेतकऱ्यांचीही अधिक ऊस दराची मागणी आहे. हीच मागणी गुजरात, मध्य प्रदेश, आंध्र प्रदेश, तेलंगणातील शेतकऱ्यांची आहे. देशभरातील सगळ्या शेतकऱ्यांचा नेत्यांची हाच सूर आहे. यावर्षी उत्पादन खर्च वाढला आहे. रासायनिक खते, मजुरी महागली आहे. यामुळे उसाला वाढीव दर मिळायला हवा, अशी मागणी त्यांनी केली. .Sugarcane Crushing Season: चांगला साखर उतारा मिळण्यासाठी कोणत्या गोष्टी महत्त्वाच्या?.तज्ज्ञांच्या अंदाजानुसार, यंदापेक्षा वाईट अवस्था पुढच्या वर्षी असणार आहे. पुढील दोन वर्षे ऊस उत्पादक शेतकऱ्यांना वाईट जाणार आहेत. अशा परिस्थितीत देशात साखरेची टंचाई निर्माण होईल. ही टंचाई कमी करायची असेल. आपल्या गरजेएवढी साखर बाजारात उपलब्ध करायची असेल तर जवळपास ३० ते ३५ लाख टन आयात करण्यासंदर्भात निर्णय घ्यावा लागेल. यामुळे साखरेचे भाव कडाडणार आहेत. साखर आयात करायची वेळ आली तर ग्राहकांना ६५ ते ७० रुपये दराने साखर विकत घ्यावी लागेल, असे त्यांनी नमूद केले.साखर टंचाईच्या पार्श्वभूमीवर १ ऑक्टोबरपासून ऊस गाळप करण्याचा प्रयत्न होता. पण तो आम्ही हाणून पाडला, असे त्यांनी सांगितले. .Sugarcane Farmer Protest: धुराडे बंद पाडल्याशिवाय सोडणार नाही : राजू शेट्टी.ऊस दर, साखर एमएसपी प्रश्नी १२ ऑक्टोबरला दिल्लीत बैठकहुबळी येथील शेतकरी आंदोलनादरम्यान आश्वासन दिल्याप्रमाणे १२ ऑक्टोबर रोजी केंद्रीय अन्न आणि नागरी पुरवठा मंत्री प्रल्हाद जोशी यांच्या पुढाकाराने एक बैठक दिल्लीत होत आहे. या बैठकीसाठी शेतकरी नेते तसेच कर्नाटकच्या मुख्यमंत्र्यांना बोलावण्यात आले आहे. पण महाराष्ट्र आणि उत्तर प्रदेशच्या मुख्यमंत्र्यांना बोलावल्याचे दिसून येत नाही, असे शेट्टी यांनी निदर्शनास आणून दिले..स्वाभिमानी शेतकरी संघटनेची २५ वी ऊस परिषद १० ऑक्टोबर रोजी दुपारी २ वाजता जयसिंगपूर येथे होणार आहे. तिथे आपण ऊस दरावर विचार करु. या परिषदेसाठी शेतकऱ्यांनी यावे, असे आवाहन त्यांनी केले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
