Sugarcane FRP Dues: राज्यातील २०६ साखर कारखान्यांनी २०२५-२६ मधील हंगामात गाळप प्रक्रिया राबवली. त्यांनी ३१ जानेवारी २०२६ अखेर ८७०.११ लाख टन उसाचे गाळप केले. कारखान्यांची देय एफआरपी ३३,६९७ कोटी रुपये आहे. कारखान्यांनी यातील २९,०९६ कोटी एफआरपी अदा केली आहे. तर, ४,६०१ कोटी रुपये एफआरपी थकीत आहे, अशी माहिती सहकारमंत्री बाबासाहेब पाटील यांनी शुक्रवारी (दि.२७ फेब्रुवारी) विधानसभेत दिली. .लोहाचे आमदार प्रतापराव पाटील चिखलीकर आणि कोल्हापूर उत्तरचे आमदार राजेश क्षीरसागर यांनी थकीत 'एफआरपी'चा मुद्दा उपस्थित केला होता. शेतकऱ्यांच्या उसाला एफआरपी प्रमाणे दर दिला जात नसून ही रक्कम तत्त्काळ देण्याच्यादृष्टीने शासनाने कोणती कार्यवाही केली आहे? असे प्रश्न त्यांनी केले आहेत. त्यावर सहकारमंत्र्यांनी लेखी उत्तर दिले आहे..एफआरपी अदा करण्याचे प्रमाण ८६.३४ टक्के आणि थकीत एफआरपीचे प्रमाण १३.६६ टक्के एवढे आहे. ऊस (नियंत्रण) आदेश, १९६६ चे कलम ३ (३) मधील तरतुदीनुसार, हंगामामध्ये गाळप केलेल्या उसाची १४ दिवसांत किमान एफआरपी प्रमाणे रक्कम ऊस पुरवठादारांना अदा करणे प्रत्येक कारखान्यांना बंधनकारक आहे. तसेच विहित कालावधीत एफआरपी देयके अदा न केल्यास कलम ३(३) नुसार विलंब कालावधीकरीता १५ टक्के व्याज आकारण्याची तरतूद असल्याचे सहकारमंत्र्यांनी स्पष्ट केले आहे..Sugarcane Farmers: ऊस शेतकऱ्यांची लूट; 'दक्षिणा', 'बिदागी' द्यावी लागते, साखर आयुक्तालयाकडे तक्रारी.ऊस (नियंत्रण), आदेश १९६६ चे कलम ३(३) मधील तरतुदीनुसार विहीत मुदतीत एफआरपी अदा न करणाऱ्या साखर कारखान्यांची संबंधित प्रादेशिक सहसंचालक (साखर) यांच्या स्तरावर सुनावणी सुरु असल्याचे त्यांनी सांगितले..Sugarcane Crushing Season: पाच जिल्ह्यांतील दोन कारखान्यांचा हंगाम आटोपला, २३ सुरू .साठ टक्क्यांच्या खाली एफआरपी अदा केलेल्या एकूण ४५ साखर कारखान्यांची साखर आयुक्तालयामार्फत १७ फेब्रुवारी २०२६ आणि १८ फेब्रुवारी २०२६ रोजी सुनावणी घेण्यात आली. सदर कारखान्यांचे महणणे ऐकून घेऊन सदर कारखान्यांना १० मार्च २०२६ आणि ११ मार्च २०२६ रोजी पुन्हा सुनावणीसाठी हजर राहण्याबाबत कळविण्यात आले आहे. या सुनावणीवेळी गैरहजर असणाऱ्या ६ साखर कारखान्यांना २७ फेब्रुवारी २०२६ रोजी सुनावणीसाठी हजर राहण्यासाठी कळविले आहे, अशी माहिती सहकारमंत्री पाटील यांनी दिली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
