Sugarcane Farmers Complaints: ऊस तोडणीसाठी 'दक्षिणा' मागितली जाते आणि तर ऊस वाहतुकीसाठी चालकाला 'बिदागी' द्यावी लागते. याबाबत यंदाच्या गाळप हंगाम २०२५-२६ मध्ये साखर आयुक्तालयाकडे अहिल्यानगर, नांदेंड आणि सोलापूर या विभागांतून एकूण ५ तक्रारी प्राप्त झाल्या असल्याची माहिती सहकारमंत्री बाबासाहेब पाटील यांनी शुक्रवारी (दि.२७) विधानसभेत दिली. याबाबत जतचे आमदार गोपिचंद पडळकर यांनी प्रश्न उपस्थित केले होते. ऊस उत्पादक शेतकऱ्यांची आर्थिक लूट होत असल्याची बाब त्यांनी निदर्शनास आणून दिली..शेतकऱ्यांच्या शेतातील ऊस तोड करत असताना वाहतूकदार चालकास प्रत्येक खेपेला २०० रुपये बिदागी द्यावी लागते. तसेच ऊस तोडणीसाठी कामगार २ हजार ते ५ हजार रुपयांपर्यंत दक्षिणा म्हणून शेतकऱ्यांकडे पैसे मागत असल्याची माहिती खरी आहे का? आणि शेतकऱ्यांची ही लूट रोखण्यासाठी कोणती कार्यवाही केली आहे? असे प्रश्न पडळकर यांनी केले. त्याला उत्तर देताना सहकारमंत्र्यांनी याबाबत तक्रारी आल्याचे म्हटले आहे. .गाळप हंगाम २०२५-२०२६ मध्ये साखर आयुक्तालयाकडे अहिल्यानगर, नांदेड आणि सोलापूर या विभागांकडून अनुक्रमे २, २ व १ अशा एकूण ५ तक्रारी प्राप्त झाल्या आहेत. त्यापैकी अंबालिका सहकारी साखर कारखाना, अहिल्यानगर कारखान्याबाबतच्या २ तक्रारींचे निवारण झाल्याचे साखर आयुक्तांनी कळविले आहे. .Sugarcane Crushing Season: कोल्हापूर, सोलापूरचा साखर हंगाम झपाट्याने समाप्तीकडे.ऊस तोडणी मजूर, मुकादम आणि वाहतूक कंत्राटदारांकडून ऊस तोडणीकरीता पैशांची मागणी होत असल्यास कारवाई करण्याबाबत साखर आयुक्त कार्यालयाचे १० ऑक्टोबर २०२५ चे परिपत्रक जारी करण्यात आले. सदर परिपत्रकानुसार शेतकऱ्यांची आर्थिक पिळवणूक रोखण्यासाठी सर्व कारखान्यांनी जाहीर प्रगटन करुन अशा प्रकरणातील गैरव्यवहाराला आळा बसेल असे पाहावे. .Sugarcane Crushing Season: सांगलीतील नऊ कारखान्यांचा ऊस गाळप हंगाम आटोपला.तसेच ऊस उत्पादक शेतकऱ्यांना तक्रार करण्यासाठी मोबाईल फोन/व्हॉटसअॅप क्रमांक जारी करावा आणि याबाबतची माहिती शेतकऱ्यांना वेळोवेळी देण्यात यावी. तसेच प्राप्त तक्रारींच्या निवारणासाठी कारखान्यांनी तक्रार निवारण अधिकारी म्हणून शेती विभागाच्या वरिष्ठ अधिकाऱ्याची नेमणूक करावी, अशी सूचना साखर आयुक्तालयाने सर्व क्षेत्रीय कार्यालय तसेच सर्व साखर कारखान्यांना दिल्या आहेत, असे सहकारमंत्री पाटील लेखी उत्तरात नमूद केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
