Nandurbar News : खानदेशात ऊस पीक लागवड स्थिर आहे. या हंगामात विविध टप्प्यांत लागवड केलेल्या ऊस पिकांतील वाढ चांगली आहे. कमाल कारखाने खासगी व्यवस्थापनाचे असून, कारखाने दर्जेदार उत्पादनासंबंधी कार्यवाही करून घेत आहेत. खानदेशात पुढे दिवाळीनंतर ऊस गाळप सुरू होईल, अशी अपेक्षा आहे. पण अधिक उत्पादन व रास्त दराची अपेक्षा ऊस उत्पादकांना आहे. .नंदुरबारमधील शहादा, तळोदा तालुक्यात ऊस लागवड अधिक आहे. लागवडीत वाढ झालेली नाही. कारण शेतकरी पपई, केळी व अन्य भाजीपाला पिकांकडे वळले आहेत. नंदुरबार ऊस लागवडीत पुढे आहे. अनेक गावांतील शेतकऱ्यांनी उसाची लागवड केली आहे. पण गेल्या पाच वर्षांपासून खांडसरी तसेच कारखाने यांच्याकडून उसाला योग्य तो हमीभाव मिळत नसल्याची प्रतिक्रिया शेतकरी पुरुषोत्तम पटेल (म्हसावद, ता. शहादा, जि. नंदुरबार) यांनी दिली.\.Sugarcane Farming : माजी सैनिकाची आदर्श ऊस शेती .यंदा केळीचे दर कमी आहेत. कलिंगडाला फटका बसला. पपईची हानी झाली. यामुळे उसाला चांगला दर मिळावा, अशी अपेक्षाही शेतकरी व्यक्त करीत आहेत. हमीचे पीक म्हणून खानदेशात उसाची लागवड होत आहे..पपई, केळी आदी पिकांना पर्याय म्हणून अनेक शेतकऱ्यांकडून उसाला प्राधान्य देण्यात आले आहे. ऊस हे बारमाही पीक असून, त्याला अधिकचे रासायनिक खत, महागडे बियाणे लागते. अलीकडे लागवडीचा खर्च, तण काढणे, ठिंबक सिंचन आदी खर्च वाढला आहे..सर्वच क्षेत्रांत महागाई वाढली असून, याचा फटका शेतकऱ्यांनासुद्धा सहन करावा लागत आहे. रासायनिक खतांचे दर वाढले आहेत. १०५० रुपयांना मिळणाऱ्या बॅगेचा दर १७०० ते १८०० रुपयांवर पोचलेला आहे. त्यातच डिझेल, पेट्रोलचे दर वाढल्याने मशागतीचा खर्चदेखील दीडपटीने वाढला आहे..Sugarcane Farming : ऊस व्यवस्थापनातील महत्त्वाचे मुद्दे.नंदुरबारची आघाडीऊस लागवडीत खानदेशात नंदुरबार जिल्हा आघाडीवर आहे. जिल्ह्यातील ऊस लागवड सुमारे १६ हजार हेक्टर एवढी आहे. जळगाव जिल्ह्यात सुमारे १४ हजार हेक्टरवर ऊस पीक आहे. धुळ्यातील लागवड सुमारे सात ते आठ हजार हेक्टर असते. खानदेशात स्थानिक व अन्य भाग किंवा नगर, छत्रपती संभाजीनगर, नाशिकमधील कारखानेदेखील ऊस तोडणीला येतात..नैसर्गिक आपत्तीचाही फटकायंदाही वादळी, बेमोसमी पाऊस, ढगाळ वातावरण आदी नैसर्गिक समस्या ऊस उत्पादकांच्या अडचणीत वाढ करीत होत्या. शेतकऱ्यांनी मेहनत घेऊन ऊस पीक वाढविले आहे. फवारणीचा खर्चही उसासंबंधी येत आहे. ठिबकमुळे उसाची चांगली वाढ साध्य करणे शक्य झाले आहे. खानदेशात पाच साखर कारखाने या हंगामात सुरू होतील, अशी अपेक्षा आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
