Jalgaon News: खानदेशात ऊस गाळप रखडत सुरू आहे. आतापर्यंत सुमारे ११ लाख टन ऊस गाळप पूर्ण झाले असून, यंदाचे गाळप २४ लाख टनांवर जाईल, असा अंदाज आहे. ऊस गाळपात नंदुरबारने आघाडी घेतली आहे. नंदुरबारमधील समशेरपूर (ता. नंदुरबार) येथील खासगी कारखान्याने अधिकचे ऊस गाळप केले आहे. .नंदुरबारमध्ये तीन साखर कारखाने सुरू आहेत. धुळ्यात एक लहान कारखाना सुरू असून, तेथे रोज ६०० ते ७०० टन उसाचे गाळप केले जात आहे. जळगाव जिल्ह्यातही एकच कारखाना सुरू आहे. खानदेशात कमाल कारखाने खासगी व्यवस्थापनाचे असून, गाळपासंबंधी यंदा गतीने कार्यवाही सुरू नाही..Sugarcane Crushing Season: सोलापूर विभागात दीड कोटी मे.टन उसाचे गाळप.जळगाव जिल्ह्यात चहार्डी (ता. चोपडा) येथील कारखान्याने देखील गाळप बऱ्यापैकी केले आहे. यंदाचे गाळप लवकर पूर्ण होईल, असे दिसत नाही. गाळप एप्रिलमध्येही सुरू राहू शकते. अन्य भागांतील कारखाने धुळ्यातील साक्री, नंदुरबार जिल्ह्यातील तळोदा, शहादा या भागांत ऊस खरेदी, तोडणी करीत आहेत..Sugarcane Crushing Season: नांदेड विभागात ऊस गाळपात खासगी कारखान्यांची आघाडी.नंदुरबारमधील कारखान्यांनी सर्वाधिक उसाचे गाळप केल्याची माहिती आहे. नंदुरबारमध्ये डोकारे (ता. नवापूर) व तळोदा येथे श्रीकृष्ण कारखान्यानेही बऱ्यापैकी ऊस गाळप केले आहे. यंदा नंदुरबारमध्ये नोव्हेंबरमध्ये अतिपाऊस झाल्याने गाळप किवा ऊस तोडणी रखडली. त्यात या महिन्यातही वातावरण प्रतिकूल होते. तसेच काही भागात या आठवड्यात पाऊसही झाला आहे. याचाही फटका गाळपास बसला आहे..अन्य जिल्ह्यांतील कारखान्यांकडूनही ऊस तोडणीखानदेशात नाशिक, छत्रपती संभाजीनगर व अहिल्यानगर या जिल्ह्यांतील कारखानेदेखील ऊस तोडणी करीत आहेत. धुळ्यातील साक्री, जळगावमधील चाळीसगाव, चोपडा भागांत अन्य जिल्ह्यांतील कारखान्यांनी ऊस तोडणी सुरू केली आहे. अन्य कारखान्यांनी देखील ऊस तोडणी सुरू केल्याने गाळप गतीने होईल, अशी अपेक्षा व्यक्त करण्यात येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
