Nanded News: नांदेड विभागातील साखर कारखान्यांचा गाळप हंगाम वेगात सुरू आहे. एक फेब्रुवारीअखेर विभागात एकूण ३० साखर कारखाने कार्यरत आहेत. यामध्ये १० सहकारी व २० खासगी कारखान्यांचा समावेश आहे. आतापर्यंत विभागात ९२.४९ लाख टन ऊस गाळप होऊन ८४.०८ लाख क्विंटल साखर उत्पादन झाले आहे. विभागाचा सरासरी साखर उतारा ९.०९ टक्के नोंदविण्यात आला आहे. .विभागातील सहकारी साखर कारखान्यांनी २८.७६ लाख टन ऊस गाळप करून २६.८४ लाख क्विंटल साखर उत्पादन केले आहे. त्यांचा सरासरी उतारा ९.३३ टक्के आहे. तर खासगी कारखान्यांनी ६३.७२ लाख टन ऊस गाळपातून ५७.२३ लाख क्विंटल साखर उत्पादन केले आहे. या कारखान्यांचा सरासरी उतारा ८.९८ टक्के नोंदला गेला आहे. लातूर जिल्हा ऊस गाळपात आघाडीवर आहे. लातूर जिल्ह्यातील सर्वाधीक १२ साखर कारखान्यांनी ३७.३८ लाख टन ऊस गाळप व ३४.२९ लाख क्विंटल साखर उत्पादन केले आहे..Sugarcane Crushing Season: सोलापूर विभागात दीड कोटी मे.टन उसाचे गाळप.परभणी जिल्ह्यातील सात खासगी कारखान्यांनी २५.१३ लाख टन गाळप, २२.०९ लाख क्विंटल साखर उत्पादित केली आहे. नांदेड जिल्ह्यातील एक सहकारी व पाच साखगी अशा सहा कारखान्यांनी १६.५९ लाख टन गाळप तर १५.३३ लाख क्विंटल साखर उत्पादन केले आहे. तर हिंगोली जिल्ह्यातील तीन सहकारी व दोन खासगी अशा पाच कारखान्यांनी १३.३८ लाख टन गाळप व १२.३४ लाख क्विंटल साखर उत्पादित केली आहे..Sugarcane Crushing Season: ऊस गाळपाने घेतला वेग.विभागात गाळप हंगाम जोरात सुरू आहे. मोठ्या क्षमतेचे आणि लवकर सुरू झालेले कारखाने उत्पादनात आघाडीवर आहेत. तर उशिरा सुरू झालेले व कमी क्षमतेचे कारखाने मागे आहेत. पुढील महिन्यात गाळपाचा वेग वाढल्यास विभागाचा एकूण उत्पादन आकडा वाढण्याची शक्यता आहे..इथेनॉल वळवणीचा परिणामबी-हेवी, सिरप व ज्यूस इथेनॉल निर्मितीकडे वळवल्यामुळे काही कारखान्यांचा साखर उतारा कमी झाल्याचे अहवालात नमूद आहे. इथेनॉलसह एकत्रित उतारा विभागाचा सुमारे ९.०१ टक्के इतका आहे..सर्वाधिक ऊस गाळप करणारे कारखानेट्वेंटीवन शुगर्स, माळवटी (ता. लातूर) ६,२१,५०२ टनगंगाखेड शुगर अँड एनर्जी, माखणी (परभणी) ६,०४,५४० टनट्वेंटीवन शुगर्स, सायखेडा (परभणी) ५,५१,४८५ टनबळीराजा साखर कारखाना, कानडखेड (परभणी) ५,२३,५८५ टनमांजरा शेतकरी साखर कारखाना, लातूर ५,०४,९०० मे.टनकमी गाळप केलेले कारखानेश्री तुळजाभवानी शुगर, आडगाव (ता. सेलू, परभणी) ३१,१०० टनश्री साईबाबा शुगर्स, शिवणी (ता. औसा, लातूर) ६२,५५० टनपन्नगेश्वर शुगर मिल्स, पानगाव (लातूर) ६४,६९५ टन.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
