Kolhapur News : भुदरगड तालुक्यातील ऊसपीक मावा व तांबेरा तर भात पीक करपा रोगाच्या विळख्यात सापडली आहेत. पिकांवर किडीचा प्रादुर्भाव झाल्याने शेतकरी बांधव चिंतेत सापडला आहे. .भुदरगड तालुक्यात गेल्या काही दिवसांपासून वातावरणात झालेल्या बदलांमुळे रोगाचा प्रादुर्भाव वाढला असून, किडीमुळे ऊस व भात उत्पादनावर मोठे संकट उभे ठाकले असून उत्पादनात मोठी घट होण्याची शक्यता वर्तवली जात आहे..Sugarcane Disease : ऊस पिकावर तांबेरा, करपा रोग.भुदरगड तालुक्यात ५ हजार ६४० हेक्टरवर भात पीक तर ८ हजार ७२० हेक्टरवर ऊस पीक आहे. ऊस व भात हे भुदरगड तालुक्याचे मुख्य पीक असल्यामुळे या किडीचा मोठा फटका बळीराजास बसला आहे. ऊस पिकावर तांबेरा, मावा रोग पडल्यामुळे पानांवर तपकिरी डाग पडून पाने सुकू लागली आहेत. .यामुळे उसाच्या वाढीवर गंभीर परिणाम होत असून, उत्पादन घटण्याची भीती व्यक्त होत आहे. भात पिकामध्ये करपा रोगामुळे पाने पिवळसर व नंतर जळाल्या सारखी होऊ लागली आहेत. त्यामुळे भाताचे पीक कमजोर होऊन थेट उत्पादनावर परिणाम होणार आहे. तालुक्यातील अनेक भागांतील शेतकरी या रोगामुळे चिंतेत आहेत..Sugarcane Disease : उसावरील रोगांचा ओळखा प्रादुर्भाव.आधीच हवामानातील अनिश्चिततेमुळे शेती खर्च वाढला असून, आता रोगराईमुळे होणारे नुकसान शेतकऱ्यांच्या खिशाला कात्री लागणार आहे. कृषी विभागाने तातडीने उपाय योजना राबवाव्यात, मार्गदर्शन करावे आणि आवश्यक त्या कीडनाशकांची उपलब्धता करून द्यावी, अशी मागणी होत आहे. अन्यथा शेतकऱ्यांचे मोठे आर्थिक नुकसान होऊन खरीप हंगाम धोक्यात येण्याची भीती व्यक्त होत आहे..शेतकऱ्यांनी रोगनियंत्रक औषधांची फवारणी, शेतातील आर्द्रतेवर नियंत्रण, तज्ज्ञांच्या सल्ल्यानुसार योग्य प्रमाणात खते व औषधांचा वापर करावा. भात व ऊस पिकावरील कीड नियंत्रण करण्यासाठी औषधांच्या योग्य मात्रेची अंतरा अंतराने तीन वेळा फवारणी करावी.- महादेव खुडे, भुदरगड तालुका कृषी अधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
