Sugar Stock Limit For Dealers: केंद्र सरकारने सणासुदीपूर्वी साखरेची साठेबाजी रोखण्यासाठी महत्त्वाचा निर्णय घेतला आहे. साखर व्यापाऱ्यांसाठी साठा ठेवण्याचा कालावधी कमी करुन १५ दिवसांवर आणला आहे. तसेच साखर साठ्यासाठी १ हजार क्विंटलची कमाल मर्यादाही निश्चित केली आहे. हा नवीन नियम १५ ऑक्टोबर ते ३० नोव्हेंबर २०२६ पर्यंत लागू राहणार आहे. याचाच अर्थ आता व्यापाऱ्यांना साखरेचा साठा १५ दिवसांहून अधिक ठेवता येणार नाही. .सणासुदीच्या काळात साठेबाजी रोखणे आणि पुरवठा सुरळीत होऊन सर्वसामान्यांना रास्त दरात साखर उपलब्ध करुन देण्याचा सरकारचा यामागील उद्देश आहे. नव्या नियमानुसार, व्यापाऱ्यांना साखरेचा साठा मिळाल्यापासून १५ दिवसांहून अधिक काळ त्यांना साठा ठेवता येणार नाही..तथापि, कोलकाता आणि त्याच्या महानगर क्षेत्रात तसेच आसामला १,००० क्विंटलच्या कमाल मर्यादेतून वगळण्यात आले आहे. त्यांच्यासाठी स्वतंत्र साठा मर्यादा निश्चित केली आहे. तेथील व्यापारी जास्तीत जास्त २ हजार क्विंटलपर्यंत साखर साठा ठेवू शकतात. विशेष म्हणजे, नवीन साखर हंगाम सुरू होत असल्याच्या पार्श्वभूमीवर हा निर्णय जाहीर करण्यात आला आहे. .Maharashtra Sugar Industry: एक नोव्हेंबरनंतरच साखर कारखाने सुरू करा: इंडियन इरिगेशन फेडरेशनची मागणी.सरकारकडून जारी केलेल्या निवेदनानुसार, १५ ऑक्टोबरपासून व्यापारी त्यांना साखर साठा मिळाल्याच्या तारखेपासून १५ दिवसांहून अधिक काळ साठा स्वतःकडे ठेवू शकणार नाहीत. तसेच, एका व्यापाऱ्याला देशातील कोणत्याही ठिकाणी, एकावेळी १,००० क्विंटलहून अधिक साखर साठा ठेवता येणार नाही..कोलकातामध्ये उत्तर प्रदेश, महाराष्ट्र आणि कर्नाटकातून साखर आयात केली जाते. तेथून ईशान्य भारतात साखरेचा पुरवठा होतो. यामुळे तिथल्या बाजाराची गरज लक्षात घेऊन तेथे अधिक साठा मर्यादा निश्चित केली आहे. आसामच्या बाबतीतही मर्यादा निश्चित करताना भौगोलिक परिस्थिती, वाहतूक व्यवस्था आणि तेथील लोकांच्या हिताचा विचार करण्यात आला असल्याचे सरकारने म्हटले आहे. .Sugar Price: साखरेची किमान विक्री किंमत ५० रुपये करा: शेट्टी.साखरेचा किरकोळ भाव ऑगस्टमध्ये उच्चांकी पातळीवर पोहोचला होता. आता भाव १५ टक्क्यांनी कमी झाले आहेत. साखरेच्या एक्स- मिल दराचा लाभ ग्राहकांना मिळेल आणि किरकोळ भाव आणखी कमी होतील, अशी अपेक्षा सरकारने व्यक्त केली आहे. .साखरेच्या भावात घसरणएकीकडे साखरेचे किरकोळ भाव १५ टक्क्यांनी खाली आले आहेत. तर एक्स मिल दर सुमारे २८ टक्क्यांनी घसरला आहे. पण सणासुदीदरम्यान मागणी वाढण्याची शक्यता आहे. या पार्श्वभूमीवर सरकारने पुरवठ्याबाबत सतर्कता बाळगत साठ्यावर मर्यादा लागू केली आहे. महाराष्ट्रातील साखर कारखान्यांनी १५ ऑक्टोबरपासून आणि उत्तर प्रदेशच्या पश्चिम भागातील कारखान्यांनी २० ऑक्टोबरपासून ऊस गाळप सुरु करण्याची तयारी केली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
