Sugar Industry and Market Update: ‘‘साखरेच्या दराबाबत सरकार गंभीर नाही. ऐन सणासुदीच्या तोंडावर देशात साखरेचा तुटवडा जाणवण्याची शक्यता आहे,’’ अशी भीती आमदार जयंत पाटील यांनी व्यक्त केली. सात एचपीपेक्षा कमी वीज वापर असलेल्या पाणीपुरवठा संस्थांना सरकारने मोफत वीज देण्याच्या मागणीचा ठराव राजारामबापू पाटील साखर कारखान्याच्या ५७ व्या वार्षिक सर्वसाधारण सभेत करण्यात आला. अध्यक्षस्थानी प्रतीक पाटील होते..या वेळी शेतकरी संघटनेचे नेते रघुनाथदादा पाटील, राज्य साखर संघाचे अध्यक्ष पी. आर. पाटील, माजी आमदार भगवानराव साळुंखे, सभापती उदयसिंह पाटील, नगराध्यक्ष आनंदराव मलगुंडे, प्रा. श्यामराव पाटील, विजयराज यादव, संग्राम फडतरे, शशिकांत पाटील, राष्ट्रवादीचे जिल्हाध्यक्ष देवराज पाटील, शहाजी पाटील प्रमुख उपस्थित होते..AI in Sugar Industry: ‘एआय’मुळे साखर कारखान्यांच्या कार्यक्षमतेत सुधारणा.आमदार पाटील म्हणाले, ‘‘एफआरपी आल्यावर स्पर्धा कमी झाली आणि चांगल्या रिकव्हरीला चांगला दर मिळाला. कालपरत्वे कायद्यात बदल व्हायला हवा होता. साखरेचे दर वाढले पाहिजेत, त्यासाठी केंद्राकडे पाठपुरावा सुरू आहे. देशात साखर अपुरी आहे. परदेशातून साखर आयात केल्याशिवाय दर आटोक्यात येणार नाहीत, ही वस्तुस्थिती आहे. आधुनिकीकरण करून कार्यक्षमता वाढविण्यासाठी प्रयत्न सुरू आहेत.’’.अध्यक्ष प्रतीक पाटील म्हणाले, ‘‘गतवर्षीच्या तुलनेत ६.१३ टक्के उत्पन्नात वाढ झाली आहे. व्याजाचा खर्च ७० कोटींवरून ४९ कोटींवर आणला आहे. निव्वळ नफा १ कोटी ९८ लाखांचा झाला आहे. यंदा ७४ लाख रुपयांची वीज बचत केली आहे, ती पुढील वर्षी कोटींवर जाईल. इथेनॉल उत्पादनात १२ टक्के वाढ झाली आहे. उत्पन्न वाढले व खर्च कमी झाला आहे. ’’.Sugar Price: देशांतर्गत साखर बाजार स्थिर.रघुनाथदादा म्हणाले, ‘‘कारखान्यांत अंतराची अट हा चुकीचा कायदा झाला. वाघवाडीला कारखाना होत असेल आणि शासनातील लोकच कायदा पाळत नसतील, तर त्याला काय अर्थ आहे? आता अंतराची अट रद्द करण्याची गरज आहे.’’.पी. आर. पाटील म्हणाले, ‘‘कारखाना अर्थसक्षम होण्यासाठी १५० दिवस चालायला हवा. सभासदांनी आपला ऊस ‘राजारामबापू’ला घालवावा. एफआरपी वाढली; पण एमएसपी तशीच आहे, त्यामुळे कारखाने तोट्यात आहेत.’’प्रभारी कार्यकारी संचालक विजय मोरे यांनी नोटीस वाचन केले. डी. एम. पाटील यांनी अहवाल वाचन केले. या वेळी विनायकराव पाटील यांच्यासह राजारामबापू समूहातील पदाधिकारी, आजी-माजी संचालक, सभासद उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
