Congress Sugar Scam Allegation: सणासुदीच्या काळात साखरेच्या दरवाढीवरून काँग्रेसने केंद्र सरकारवर जोरदार निशाणा साधला आहे. मोदी सरकारने ३६ हजार कोटींच्या 'साखर घोटाळ्या'ला पाठबळ दिले. साखर तुटवड्याच्या समस्येवर सरकारने वेळीच उपाययोजना न केल्यामुळे सणासुदीत दरात अचानक मोठी वाढ झाली. यामुळे साठेबाजांना आणि काळाबाजार करणाऱ्यांना नफा कमावण्याची संधी मिळाली, असा आरोप काँग्रेसचे सरचिटणीस रणदीप सुरजेवाला यांनी केला आहे. .पत्रकार परिषदेत बोलताना सुरजेवाला म्हणाले की, साखरेचा तुटवडा निर्माण होणार असल्याचे सरकारच्या एप्रिलमध्येच लक्षात आले होते. तरीही सरकारने यावर कोणताही कोणतीही पावले उचलली नाहीत. २०२५-२६ या वर्षासाठी साखरेचा सुरुवातीचा साठा ५० लाख टन इतका होता. हा साठा गेल्या वर्षाच्या तुलनेत ३० लाख टनांनी कमी आहे. तसेच, 'इंडियन शुगर अँड बायो-एनर्जी मॅन्युफॅक्चरर्स असोसिएशन'च्या म्हणण्यानुसार, साखरेचे उत्पादन २७५ लाख टन आहे..Sugar Prices : वाढलेल्या साखरेच्या दराचा फायदा शेतकऱ्यांना द्या .त्यांनी पुढे असा दावा केला की, ऑगस्ट ते नोव्हेंबर दरम्यानच्या काळात सुमारे १२० लाख टन साखरेचा खप होण्याची शक्यता आहे. पण त्याआधीच साखरेचा किरकोळ विक्री दर प्रति किलो ४५ रुपयांवरून ७५ रुपयांवर पोहोचला. साखरेच्या किलोमागे ३० रुपयांच्या या अतिरिक्त वाढीमुळे ग्राहकांच्या खिशातून एकूण ३६ हजार कोटी रुपये खर्च होतील. याचा फायदा साठेबाज व काळाबाजार करणाऱ्यांना होणार असल्याचे त्यांनी नमूद केले..Sugar Prices: साखर विक्रेते, वितरकांना नोंदणी बंधनकारक, आजपासून साठा पडताळणीसाठी मोहीम, सरकारचा महत्त्वाचा निर्णय .लोकांना दसरा आणि दिवाळी सणादरम्यान साखरेच्या वाढीव दरांचा मोठा फटका बसणार आहे. त्यांना त्यासाठी अधिक पैसे मोजावे लागतील. १२० लाख टन साखरेच्या विक्रीतून ३६ हजार कोटी रुपयांची उलाढाल होईल आणि याचा थेट फायदा साठेबाज व काळाबाजार करणारे उचलतील. सत्ताधाऱ्यांशी संगनमत करुन घोटाळा करण्याचे यापेक्षा मोठे उदाहरण आणखी कोणते असू शकते? असा सवाल सुरजेवाला यांनी केला..उसाला कमी दरउसाला कमी दर मिळत असल्यामुळे शेतकरी कमी प्रमाणात पीक घेत असल्याचे त्यांनी निदर्शनास आणून दिले आहे. शेतीच्या विकासाबाबत सरकारकडून करण्यात आलेले मोठे दावे प्रत्यक्षात फोल ठरले असल्याचा आरोपही त्यांनी केला..रेशनवर साखर देण्याची मागणीसार्वजनिक वितरण प्रणालीच्या माध्यमातून कुटुंबातील प्रत्येक सदस्याला सवलतीच्या दरात ५०० ग्रॅम साखर द्यावी, अशी मागणी त्यांनी केली आहे. ही योजना तत्कालीन काँग्रेस सरकारने सुरू केली होती. ती सरकारने पुन्हा सुरू करायला हवी, असे त्यांनी नमूद केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
